یاریگا –
پابلۆ گاڤی، ئەستێرەی لاوی بارسێلۆنا پاش دابڕانێکی زۆر بەهۆی پێکان گەڕایەوە مەشقەکان.
ئەمڕۆ دووشەممە 1ـی دێسێمبەری 2025 بارسێلۆنا دەستی بە مەشقەکانی کردەوە و خۆیان بۆ رووبەڕووبوونەوەی ئاتلێتیکۆ مەدرید ئامادە دەکەن.
هاوکات پابلۆ گاڤی، ناوەڕاستی یانەکە لە مەشقەکانی ئەمڕۆ دەرکەوتووە و وردە وردە خۆی بۆ گەڕانەوە ئامادە دەکات، بەگوێرەی زانیارییەکانی رۆژنامەی سپۆرت، گاڤی ئەمڕۆ هەندێک مەشقی کردووە و دەیەوێت تاوەکو کۆتایی مانگی شوبات دەست بە یاریکردن بکاتەوە.
Y de repente, en el entrenamiento de hoy, apareció GAVI‼️
▪️El de Los Palacios prosigue con su recuperación.
▪️En principio, no estará a punto antes de febrero.
📽️ @DBR8 pic.twitter.com/nYYonlG7XS
— Diario SPORT (@sport) December 1, 2025
گاڤی لە سەرەتای سێپتێمبەری 2025 نەشتەرگەری بۆکرا، بڕیارە لە کۆتایی مانگی شوباتی 2026 بگەڕێتەوە مەشقە بە کۆمەڵەکان و بۆ یاریکردن ئامادەبێت.
هەر لە مەشقەکانی ئەمڕۆ رافینیا، هێرشبەری بەڕازیلی و فرێنکی دی یۆنگی هۆڵەندی بەبێ کێشە بەشدارییان کرد.
بەڵام رۆناڵد ئاراوخۆ، بەرگریکاری ئوروگوایی بەشداریی نەکرد و بۆ یارییەکەی سبەی سێشەممە بەرامبەر ئاتلێتیکۆ مەدرید ئامادە نابێت.
هاوکات تێر شتیگن، گۆڵپارێزی ئەڵمانی بەشداریی مەشقە بە کۆمەڵەکانی ئەمڕۆی کردووە و بەتەواوی بۆ یاریکردن ئامادەیە.
🇳🇱☝️Frenkie de Jong, a punto para la gran cita de mañana
➡️El Barça se mide mañana al Atlético de Madrid (21h)
📽️ @DBR8 pic.twitter.com/RHBSLEaLER
— Diario SPORT (@sport) December 1, 2025
