ئامانجە گەورەکە؛ مانچێستەر یونایتد ناوەڕاستکارێک دەگوازێتەوە
هاوینی داهاتوو یەکلاییدەکەنەوە..
یاریگا –
مانچێستەر یونایتد هەوڵەکانی بۆ گواستنەوەی ناوەڕاستکارێک دەستپێدەکاتەوە.
رۆژنامەی میرەر بڵاویکردووەتەوە، مانچێستەر یونایتد هەوڵەکانی بۆ گواستنەوەی کارلۆس بالێبا ناوەڕاستکاری بڕایتن دەستپێدەکات و دەیەوێت بەهەرشێوەیەک بێت یاریزانەکە بگوازێتەوە ریزەکانی.
بەگوێرەی هەمان سەرچاوە، رۆبن ئامۆریم، راهێنەری شەیتانە سوورەکان لەسەر گواستنەوەی یاریزانەکە کامیرۆنییەکە سوورە و داوایکردووە ئەو ئامانجە لەدەست نەدەن و لە 2026 گرێبەستەکە یەکلاییبکەنەوە.
مانچێستەر یونایتد لە هاوینی رابردوو هەوڵی زۆری بۆ گواستنەوەی کارلۆس بالێبا دا، بەڵام بڕایتن دەستبەرداری نەبوو.
بالێبا لە هاوینی 2023 لە لیلی فەڕەنسییەوەە بەبڕی 27 ملیۆن یۆرۆ پەیوەندی بە بڕایتن کرد و بەهای ئێستای لە بۆڕسەی یاریانان 60 ملیۆن یۆرۆیە.
🚨 BREAKING:
Manchester United see Carlos Baleba as a priority target for summer 2026.
Baleba is even more keen to join!
[@FabrizioRomano YT] pic.twitter.com/ngLzD787AR
— UtdXclusive (@UtdXclusive) November 16, 2025
