ئامارێکی سەرشێتانە؛ VAR دێوزمەی ریال مەدریدە
ریال مەدرید زۆرترین زیانی بەرکەوتووە
یاریگا –
ریال مەدرید لە گەڕی سێیەمی لالیگا 2-1 لە ریال مایۆرکای بردەوە، ئەمە سێیەم بردنەوەی یەک لەدوای یەکی مەدریدە و ئێستا بە کاتی پێشەنگی ریزبەندەکەیە.
لە یارییەکەی شەوی رابردوودا، سیستمی ڤار سێ گۆڵی ریال مەدریدی بە بیانووی جیاواز رەتکردەوە، کیلیان ئێمباپێ دوو گۆڵ (ئۆفساید) و ئاردا گولەریش (بەردەست کەوتنی تۆپ) گۆڵێکی رەتکرایەوە، هەرچەندە دەستی گولەر بە جەستەیەوە لکابوو.
بەگوێرەی بەدواداچوونێک، لە وەرزی 2019-18 کاتێک بۆ یەکەمجار سیستمی ڤار لەلالیگا پەیڕەوکرا، ریال مەدرید زۆرترین زیانی بەرکەوتووە.
لە شەش وەرزی رابردوودا، ناوبژیوانەکان 37 گۆڵی ریال مەدریدییان بە هۆکاری جیاواز و بە یارمەتی ڤار رەتکردووەتەوە، لەوانە دەیان گۆڵ بەهۆی ئۆفساید و بەردەست کەوتنی تۆپ.
ریال مەدرید بە جیاوازییەکی زۆر لە پلەی یەکەمی ئەو یانانەیە کە بە ڤار گۆڵەکانیان لەلالیگا رەتکراوەتەوە. ڤیاڕیال بە رەتکردنەوەی 20 گۆڵ لە پلەی دووەم دێت، سێڤییاش بە 19 گۆڵ لە پلەی سێیەم.
ڤار زۆر لە رەتکردنەوەی گۆڵ و حاڵەتەکانی بارسێلۆنا تێنەگلاوە، بەڵکو تەنیا 14 گۆڵی لە شەش وەرزی رابردوو رەتکراوەتەوە و لە پلەی حەفتەمدا دێت.
Real Madrid es el equipo con más goles anulados por el VAR, con casi el doble de ventaja sobre el segundo.
Finjan sorpresa con lo que ocurre en la Liga Negreira
👇🏻👇🏻👇🏻 pic.twitter.com/wLHGZFWs9h
— Real Madrid World 🌍 (@realmadridnote) August 30, 2025
رەتکردنەوەی بەشی زۆری گۆڵەکانی ریال مەدرید بەهۆی تەڵەی ئۆفساید بووە، لە یاریی دوێنێش دوو جار بەهۆی ئۆفسایدەوە گۆڵەکانی سوپەر کیلیان رەتکرانەوە.
ریال مەدرید بە بردنەوەی یاریی رابردوو، ژمارەی خاڵەکانی بۆ 9 بەرزکردەوە و مایۆرکا بە کۆکردنەوەی یەک خاڵ، لە پلەی 18مە.
