پاو ڤیکتۆر هۆکاری جێهێشتنی بارسێلۆنا ئاشکرا دەکات

یاریگا –

پاو ڤیکتۆری هێرشبەری پێشووی بارسێلۆنا هۆکاری جێهێشتنی یانە کاتالۆنییەکەی ئاشکرا کرد.

ڤیکتۆر کە بەرهەمی ئاکادیمیای لاماسیایە، لە بارسێلۆنا ئاستێکی بەرزی پێشکەش کرد، لە میرکاتۆی ئەم هاوینەدا لەو کاتەی راشفۆرد بە خواستن پەیوەندی بە بارساوە کرد ئەویش گرێبەستی سپۆرتینگ براگای واژۆ کرد.

هێرشبەرە لاوەکە لە لێدوانێکیدا بۆ موندۆدیپۆرتیڤۆ گوتی:

لە ماوەی یاریکردنم لە بارسێلۆنا هەستێکی زۆر باشم هەبوو و دڵخۆش بووم، کاتێک یانەکەم بەجێهێشت بە رێزێکی زۆرەوە بەڕێیان کردم، لەگەڵ هاتنی راشفۆرد هەلی یاریکردنم لەم وەرزەدا زۆر قورس دەبوو و هەر بۆیەش بڕیارمدا هەلی زیاتر بدۆزمەوە بۆ ئەوەی گەشە بکەم، بۆیە بڕیاری رۆیشتنم دا.

سەبارەت بە پەیوندییەکەی لەگەڵ هانزی فلیک گوتی:

هانزی فلیک هەمیشە زۆر روون بوو لەگەڵم کاتێک یاریم نەدەکرد. خەمی منی بوو، پرسیاری ئەوەی لێکردم کە هەستم چۆنە. هیچکات گلەییم لێی نەبووە. کاتێک رۆیشتم، نامەیەکم بۆ نارد و سوپاسیم کرد، ئەو وەک باوکێک بوو بۆ ئێمە.

ئێستا هێرشبەرە ئیسپانییەکە هەوڵدەدات لە یانەی سپۆرتینگ براگا درێژە بە ژیانی وەرزشی خۆی بدات و جێگەی خۆی لە پێکهاتەی سەرەکیدا بکاتەوە، بەو هیوایەی ئاستێکی نایاب پێشکەش بکات.