یاریگا –
گروپی هاندەرانی مانچێستەر یونایتد خۆپێشاندانەکەیان لەدژی خاوەنانی یانەکە بۆ دوای یارییەکەی ئارسیناڵ دواخست.
بڕیاربوو بەر لە یاریی کردنەوەی وەرزی نوێی پرێمەرلیگ بەرامبەر ئارسیناڵ، لە بەردەم ئۆڵدترافۆرد خۆپێشاندانێکی گەورە بکرێت.
گروپی هاندەران راپرسیێکیان لەنێو خۆیاندا کرد و بیروبۆچوونەکان لەنێو خاوەندارێتی سێر جیم راتکڵیف و و گروپی ئینیەس دروستبوو، بۆیە خۆپێشاندانەکە دواخرا.
بەگوێرەی ئەنجامی راپرسییەکە بێت، 26 هەزار کەس بەشدارییان تێداکردووە و 63%ی هاندەرانی مانچێستەر یونایتد پێیانوایە، بەهۆی هەڵسوکەوتی ئەمدوواییەیان، پێویستە لێپێچینەوە لەگەڵ گروپی ئینیەس و سێر راتکڵیف بکرێت. بەڵام 68%پێیان وایە دەبێ کاتی زیاتریان پێبدرێت، هەرچی نەبێت تاوەکو سەریساڵ یاخود وەرزێکی دیکەش دەرفەتییان پێبدرێت.
🗣️Postponement of Protest – Arsenal (H), August 17th
After careful reflection, and in light of the survey results. We have made the decision to postpone the planned protest for the Arsenal home game on Saturday, August 17th.
For us, it has always been, and will always be, about… pic.twitter.com/JXHeO0KfFy
— The 1958 (@The__1958) August 11, 2025
هەرچەندە مانچێستەر یونایتد پارەیەکی زۆری لە گواستنەوەکانی ئەم هاوینەدا خەرجکردووە، بەڵام خێزانی گلەیزەرس، خاوەنی پشکی زۆرینەی یانەکە لەلایەن هاندەرانەوە قبووڵ ناکرێت و چاوەڕێی دەرەنجامی جووڵەکانی سێر جیم راتکڵیفن.
