یاریگا –
ریال مەدرید چاوی لە جووڵەیەکی گەورەی لەم هاوینە، بەجۆرێک کە 10 ساڵە هاندەرانی نەیانبینیوە.
خەریکە وەرزەکە کۆتایی دێت و مەدردید بەبێ نازناو کۆتایی پێدەهێنێت جگە لەو ئومێدە کەمەی بە بردنەوەی خولی ئیسپانیا ماویانە کە ئێستاش دوای34 هەفتە هێشتا 4 خاڵ لەدوای بارسێلۆنای رکابەریانەوەن.
بەگوێرەی زانیارییەکانی مارکای ئیسپانی، ریال دەیەوێ لەم هاوینە بگەڕێتەوە بۆ نەریتە هەمیشەییەکەی پێشووی خۆی لە گرێبەستکردنی دیار و بەرچاو کە ساڵانێکە وەک کڕیارە زەبەلاحەکەی ئەوروپا دەرنەکەوتووە.
مارکا زانیویەتی کە ئەو جووڵەیەی ریال لە مێرکاتۆی هاوینە دەیکات، ماوەی 10 ساڵە هاوشێوەی نەبینراوە.
هەمان سەرچاوە بەشێک لە وردەکارییەکانی باسکردووە و نووسیویەتی کە 5 یاریزانێ ئێستای شاهانەکان لە بازارەکەدا بەڕێدەکرێت. لە بەرامبەریشدا 4 یاریزانی نوێ دەهێنرێتە سانتیاگۆ بێرنابیۆ.
🚨 This transfer window is expected to be the biggest for Real Madrid in the last 10 years. Up to 5 players are expected to leave, and 4 will arrive.
— @marca pic.twitter.com/6FeivRnGV2
— Madrid Universal (@MadridUniversal) May 4, 2025
ئەوەی تا ئێستا وەک بەهێزترین دەنگۆ قسەی لەسەردەکرێت کە ریال لەگەڵ دەستنیشانکردنی راهێنەری نوێدا دەیانگوازێتەوە، هەریەکە لە مارتن زوبیمێندی لە ریال سۆسیداد، ویلیام سالیبا لە ئارسیناڵ و ئالێکساندەر ئاڕنۆڵدی لیڤەرپوولە.
