ئەستێرەیەکی بەڕازیلی گەڕایەوە پرێمەرلیگ

یاریگا –

بەفەرمی ویلیانی بەڕازیلی جارێکی دیکە گەڕایەوە پرێمەرلیگ.

ماڵپەڕی فەرمی فولهام بڵاویکردووەتەوە، ویلیان بە گرێبەستێکی ئازاد گەڕاوەتەوە یانەکە و تاوەکو کۆتایی ئەم وەرزە درێسی فولهام دەپۆشێتەوە.

یاریزانە بەڕازیلیەکە کە ئێستا تەمەنی 36 ساڵە، لە سێ ماوەی جیاوازدا لە خولی ئینگلیزی یاریی کردووە و هەرسێ جارەکەش بۆ یانە لەندەنیەکان بووە. لە 2013-2020 بۆ چێڵسی، پاشان لە 2020-2021 بۆ ئارسیناڵ و دوایین جاریش لە 2022-2024 له فوڵهام بووە، دواتریش پەیوەندی بە ئۆڵۆمپیاکۆسی یۆنانی.

خۆم و خێزانەکەم زۆر دڵخۆشین، دڵنیام تاوەکو کۆتایی وەرز دەتوانم هاوکارییەکی باشی فولهام بکەم. بەپەرۆشم بۆ دووبارە شادبوونەوە بە هاوڕێکانم و یاریکردن بۆ یانەکە.

ویلیان لە سەرجەم پاڵەوانێتییەکان 67 یاریی بۆ فولهام کردووە. 10 گۆڵی کردووە و 7 گۆڵی دروستکردووە.

Welcome back, Willian! 🤍

— Fulham Football Club (@FulhamFC) February 6, 2025