یاریگا –
بەشێوەیەکی فەرمی بۆڕووسیا دۆرتموندی ئەڵمانی راهێنەرەکەی دووردەخاتەوە.
ماڵپەڕی فەرمی بۆڕووسیا دۆرتموند بڵاویکردووەتەوە، بەهۆی ئەنجامە خراپەکانیان بڕیاریانداوە نوری شاهین لە پۆستی راهێنەرایەتی یانەکە دووربخەنەوە و گرێبەستەکەی هەڵوەشێنراوەتەوە.
دۆرتموند بە دۆخێکی خراپدا تێدەپەڕێت، لە دوایین نۆ یاریی لە سەرجەم پاڵەوانێتییەکان تەنیا یەک یاریی بردووەتەوە و رووبەڕووی رەخنەیەکی زۆر بووەتەوە.
Borussia Dortmund und Nuri Sahin gehen ab sofort getrennte Wege
Der BVB hat seinen Cheftrainer nach der enttäuschenden 1:2-Niederlage in der UEFA Champions League am Dienstagabend beim FC Bologna freigestellt.
Alle Infos:
👉 https://t.co/TufDGRXeGq pic.twitter.com/3CeC9hgAAe— Borussia Dortmund (@BVB) January 22, 2025
زەردەواڵەکان شەوی رابردوو لە یارییەکانی گەڕی حەوتەمی چامپیۆنزلیگ بوونە میوانی بۆڵۆنیا و 2-1 تووشی شکست بوون
هەر دوێنێ شەو دوای یارییەکە دۆرتموند بڕیاری دوورخستنەوەی راهێنەرەکەی داوە و شاهین و تیپەکەی لە بڕیارەکە ئاگادارکردووەتەوە.
بۆ شوێنی نوری شاهین، ئێریک تێن هاخی راهێنەری پێشووی مانچێستەر یونایتد بەربژێری سەرەکییە و پێشبینی دەکرێت پۆستی راهێنەرایەتی یانەکە لەئەستۆ بگرێت.
شاهین لە 27 یاریی سەرپەرشتی دۆرتموندی کرد. تەنیا 12 یاریی بردەوە، 11 یاریی دۆڕاند و 4 یارییش یەکسانبوو. تیپەکەی 55 گۆڵی کرد و 44 گۆڵی لێکرا.
