یاریگا –
یانەی بارسێلۆنا خۆی بۆ یارییەکی قورس و گرنگ ئامادەدەکات کاتێک سبەی شەو لە سعودیە لە میانی یاریی پێش کۆتایی جامی سوپەری ئیسپانیا رووبەڕووی ئاتڵەتیک بیڵباو دەبێتەوە.
هاندەرانی بارسا ترسیان لە بەشداریکردنی لامین یامالی ئەستێرەی یەکەمی یانەکە هەبوو، ئەوە دوای ئەوەی یامال نەیتوانی بەهۆی پێکان لە پاژنەیدا بۆ دوایین دوو یاریی 2024 بەرامبەر ئەتڵەتیکۆ مەدرید و کۆتا یارییشیان بەرامبەر بارباسترۆ ئامادەبێت.
لە کۆنفرانسی رۆژنامەوانی پێش یارییەکە، هانزی فلیک باسی لە ئەگەرەکانی بەشداریکردنی لاوە 17 ساڵانەکە کرد و وتی
لامین سێ بۆ چوار جار راهێنانی کردووە. ئەو ئامادەیە. سبەینێ دەتوانێ یاری بکات.
هەر لە هەمان کۆنفرانسی رۆژنامەوانیدا راهێنەرە ئەڵمانییەکە باسی لە دۆخی دانی ئۆلمۆ و پاو ڤیکتۆری کرد و وتی
پێموانییە تا سبەی ئامادەبن (بەهۆی کەیسەکەیانەوە) بەڵام دەبێ چاوەڕێ بکەین. تاکە شت بیکەین هەرئەوەیە کە چاوەڕێ بکەین.
لە باری بردنەوەی بلاوگرانا لە بیڵباو، سەردەکەون بۆ فیناڵ و چاوەڕوانی براوەی نێوان ریاڵ مەدرید و مایۆرکا دەکەن.
🚨🔙 Lamine Yamal is back available, Hansi Flick has confirmed.
“Lamine has been training for some days now. He is ready to go and he might play tomorrow”. pic.twitter.com/tKQoQNjY4o
— Fabrizio Romano (@FabrizioRomano) January 7, 2025
