فەرمی؛ سۆن هیونگ مین لە نێوان تۆتێنهام و بارسێلۆنا خۆی یەکلاکردەوە

یاریگا –

سۆن هیونگ مین لە نێوان تۆتێنهام و بارسێلۆنا خۆی یەکلاکردەوە، بەفەرمی گرێبەستەکەی لەگەڵ یانە لەندەنییەکە نوێکردەوە.

یانەی تۆتێنهام هۆتسپێرسی ئینگلیزی بەفەرمی رایگەیاندووە، گرێبەستی سۆن هیونگ مین هێرشبەری کۆریای باشووری یانەکەیان تاوەکو هاوینی 2026 نوێکردەوە، کە کۆتایی ئەم وەرزە گرێبەستەکەی کۆتایی دەهات.

We are delighted to announce that we have exercised the option to extend Heung-Min Son’s contract, which will now run until the summer of 2026 🤍

— Tottenham Hotspur (@SpursOfficial) January 7, 2025

پێشتر رۆژنامەی زە سەنی بەریتانی رایگەیاندبوو، بارسێلۆنا دەیەوێت کۆتایی ئەم وەرزە سۆن هیونگ مین هێرشبەری 32 ساڵانی تۆتێنهام بە گرێبەستێکی ئازاد بگوازێتەوە ریزەکانی، بەڵام تۆتێنهام رایگەیاندووە، بەندێکی گرێبەستەکەیان چالاککردووە و گرێبەستی سۆن هیونگ مینیان تاوەکو هاوینی 2026 نوێکردووەتەوە.

سۆن هیونگ مین (32 ساڵان) لەم وەرزەی پرێمەرلیگ لە 17 یاری 5 گۆڵ و 6 ئەسیستی کردووە، کە هاوینی 2015 سۆن لە بایر لیڤەرکوزنی ئەڵمانییەوە بەرامبەر 30 ملیۆن یۆرۆ رووی لە تۆتێنهام کرد، کە لە 431 یاری 169 گۆڵ و 90 ئەسیستی بە درێسی هۆتسپێرس کرد.