چارەنووسی زیرکزی ناڕوونە؛ ئامۆریم و فێرناندێس پەیامێکی ئاڕاستە دەکەن

یاریگا –

روبن ئامۆریم، راهێنەری مانچێستەر یونایتد دان بە ئەستەمی مانەوەی جۆشوا زیرکزی لە تیمەکەی دەنێت.

هێرشبەری نێودەوڵەتی هۆڵەندی لە هاوینی رابردوودا بەبڕی 36.5 ملیۆن پاوەند لە بۆڵۆنیاوە پەیوەندی بە مانچێستەر یونایتد کرد، بەڵام نەیتوانیوە ئاستی چاوەڕوانکراو پێشکەش بکات.

ئامۆریم لە دوای یاریی شەوی رابردووی مان یونایتد بەرامبەر لیڤەرپوول گوتی

دەمەوێت پارێزگاری لە جۆشوا بکەم، چونکە هەموو شتێک بۆ یارمەتیدانی یانەکە دەکات. لە مەشقەکان زۆر هەوڵدەدات، بەڵام نازانم تاوەکو ئێستا بازاڕی گواستنەوە کراوەیە.

بزانین چی روودەدات، ئێستا دەمانەوێت سەرنجی تەواومان لەسەر مەشقەکان بێت و خۆمان بۆ یارییەکانی داهاتوو ئامادە بکەین.

لەلایەکی دیکەوە، بڕونۆ فێرناندێس، ئەستێرەی مان یونایتد دووپاتیکردەوە، زیرکزی بە دۆخێکی پڕ لە ئاڵنگاری تێدەپەڕێت

لە یارییەکەی نیوکاسڵ، لەسەر کورسی یەدەک بووم و بەڕاستی زۆر نیگەران بووم، چونکە زیرکزی یاریزانێکە هەموو شتێک بۆ یارمەتیدانی ئەم یانەیە دەکات.

ئەگەر وەکو یاریزان باسی بکەین، ئەو لە خولێکی جیاوازەوە هاتووە و پێویستی بەکاتە، تاوەکو خۆی بگونجێنێت، چونکە خاوەن توانای زۆر گەورەیە.

زیرکزی تەمەن 23 ساڵ، تاوەکو ئێستا یاریی بۆ یانەکانی بایرن میونشن، پارما، ئاندێرلەخت و بۆڵۆنیا کردووە. لەم وەرزەدا لە کۆی 20 یاریدا تەنیا سێ گۆڵی کردووە.