ریال مەدرید هەنگاوێکی دیکە لە ئاڕنۆڵد دەچێتەپێش
دووەم ئۆفەر ئامادە دەکات
یاریگا –
بۆ گواستنەوەی ئالێکساندەر ئاڕنۆڵد، ریال مەدرید ئۆفەرێکی دیکە پێشکەش بە لیڤەرپوول دەکات.
رۆژنامەی تایمز بڵاویکردووەتەوە، لە کانوونی دووەم ریال مەدرید دووەم ئۆفەر بۆ گواستنەوەی ئاڕنۆڵد پێشکەش بە لیڤەرپوول دەکات و مەدریدییەکان دەیانەوێت لەم مانگە گرێبەست لەگەڵ یاریزانەکە واژۆ بکەن.
لە کۆتا کاتژمێرەکانی 2024 ریال مەدرید ئۆفەرێکی بۆ گواستنەوەی یاریزانەکە پێشکەش کرد، بە گوێرەی میدیاکانی ئیسپانیا مێرێنگی نزیکەی 20 ملیۆن یۆرۆی پێشکەش بە لیڤەرپوول کردووە بەڵام یانە ئینگلیزییەکە راستەوخۆ ئۆفەرەکەی رەتکردووەتەوە.
Real Madrid consider second January bid for Trent Alexander-Arnold
Liverpool do not want to let the right back leave this month but the Spanish side are weighing up whether to test Anfield club’s resolve
Story by @_pauljoyce⬇️https://t.co/Z23QJXg6Sc
— Times Sport (@TimesSport) January 1, 2025
لیڤەرپوول هەڵوێستی روونە، رێگە نادات ئاڕنۆڵد لەم زستانە یانەکە جێبهێڵێت و هەوڵەکانیشی بۆ نوێکردنەوەی گرێبەستەکەی چڕکردووەتەوە.
بەڵام ریال مەدریدیش بەدەست نەبوونی بەرگریکاری پێویست دەناڵێنێت، لەسەر داوای کارلۆ ئانچێلۆتی هەوڵەکانیان بۆ گواستنەوەی بەرگریکارە ئینگلیزییەکە لەم زستانە زیاتر دەکەن.
بەرگریکارە 26 ساڵانییەکە شەش مانگی دیکە گرێبەستەکەی بەسەردەچێت، ئێستا دەتوانێت لەگەڵ یانەیەکی نوێ بەشێوەیەکی یاسایی رێکبکەوێت و لە هاویندا پەیوەندی پێوە بکات.
