پێنج گۆڵپارێز لە گەڕی رابردووی خولی نایابی کوردستان گۆڵیان لێ تۆمار نەکراوە

یاریگا –

پێنج گۆڵپارێز لە گەڕی یازدەمی خولی نایابی کوردستان کلین شیتیان کردوو رێژەی کارتی سووریش زیادیکردووە.

لە گەڕی یازدەی خولی نایابی کوردستان، هەر یەک لە گۆڵپارێزان رەوەند عەجیل لە هەولێر و عیماد ئیبراهیم لە شەقڵاوە و گەیلان سادق لە هەندرێن و مەروان وەلید لە رزگاری و عەلی عەبدوڵا لە پیشەسازی کلین شیتیان کرد و هیچ گۆڵێکیان لێ تۆمار  نەکرا.

بەراورد بە گەڕەکانی رابردوو، لە گەڕی یازدە رێژەی کارتی زەرد کەمیکردووە کە 23 کارت بووە، بەڵام کارتی سوور زیادیکردووە و لەم گەڕەدا سێ کارتی سوور بەرز کراوەتەوە، هەر دوو یانەی چوارقوڕنە و ئاکرێ یاریی خاوێنیان وەرگرت و هیچ کارتێکیان بۆ بەرز نەکراوەتەوە.

لەم گەڕەدا 16 گۆڵ تۆمار کراوە، پێنج گۆڵ لە گێمی یەکەم و 11 گۆڵیش لە گێمی دووەم تۆمار کراوە، بەڵێن فایەق خێراترین گۆڵی ئەم گەڕەی تۆمار کرد کە لە خولەکی 22 بەرامبەر برایەتی بوو، گەورەترین سەرکەوتنی گەڕی یازدەمی خولی نایابی کوردستان هەندرێن بە دەستیهێنا کە 3 _ 0 لە دەرەوەی یاریگای خۆی لە سەید سادقی بردەوە.