یاریگا –
زۆرترین کارتی زەرد و سوور لە گەڕی هەشتەمی خولی نایابی کوردستان بەرزکراوەتەوە و چوار گۆڵپارێزیش کلین شیتیان کرد.
جیاواز لە سەرجەم گەڕەکانی رابردوو، گەڕی هەشتەمی خولی نایابی کوردستان لە کۆی حەفت یاریی زۆرترین کارتی رەنگا و رەنگی تێدا بەرزکراوەتەوە، 35 کارتی زەرد و کارتێکی سوور لە گەڕی رابردوو بەرزکراوەتەوە کە زۆرترین رێژەی بەکارهێنانی کارتە لە سەرجەم گەڕەکانی رابردووی خولی نایابی کوردستان.
هەریەک لە گۆڵپارێزان رەوەند عەجیل لە هەولێر و هۆگر عەلی لە زاخۆ و گەیلان سادق لە هەندرێن و سەرکار سەردار لە رزگاری کلین شیتیان کرد و گۆڵەکەیان بە خاوێنی هێشتەوە، 19 گۆڵ لە گەڕی رابردوو تۆمارکران کە 9 گۆڵیان لە گێمی یەکەم و 10 گۆڵیش لە گێمی دووەم تۆمار کران.
خێراترین گۆڵی گەڕی هەشتەمی خولی نایابی کوردستان سەلام عەبدوڵا یاریزانی سەید سادق لە خولەکی دووی یارییەکەیان بەرامبەر چوارقوڕنە تۆماریکرد، گەورەترین سەرکەوتنیش لەم گەڕە زاخۆ بە دەستیهێنا ۆە 2 _ 0 لە ئاکرێی بردەوە، سیروانی نوێش تاکە یانەی ئەم گەڕە بوو کە هیج کارتێکیان وەرنەگرت و یاری خاوێنیان پێبەخشرا.
