یاریگا –
ئەمڕۆ لە یارییەكی دیكەی هەفتەی شازدەی لالیگادا جیڕۆنا میوانداری ریال مەدرید دەكات.
وا بڕیارە ئەمڕۆ شەممە كاتژمێر 23:00 بە كاتی كوردستان جیڕۆنا لە یاریگای مۆنتیلیڤی تایبەت بە خۆی میوانداری ریال مەدرید بكات، لە میانی یارییەكانی گەڕی شازدەی لالیگای ئیسپانیا.
پڕۆفایلی یاری
ریال مەدرید لە ناوەڕاستی هەفتەی پێشوودا تووشی دۆڕانێكی چاوەڕوان نەكراو بوو، دوای ئەوەی بە دوو گۆڵ بەرامبەر گۆڵێك بەرامبەر ئاتلێتیك بیلباو شكستیهێنا.
یانە شاهانەكە لەم وەرزەدا لە كۆی 15 یاری لە 10یاریی براوە بووە و سێ یاریی یەكسان بووە و دوو یاریش دۆڕاوە.
بە كۆكردنەوەی 33 خاڵ لە ریزبەندی دووەمی لالیگا دێت.
لە بەرامبەردا جیڕۆنا لە 15 یاریدا لە شەش یاریی براوە بووە چوار یاریی یەكسان بووە و پێنج یاریش دۆڕاوە.
بە كۆكردنەوەی 22 خاڵ لە ریزبەندی هەشتەمی لالیگا دێن.
هەواڵی پێكانی یاریزانەكان
جیڕۆنا بە بێ هێرێرا، تسیگانكۆف و ئاسۆرییا رووبەرووی ریال مەدرید دەبێتەوە.
لە بەرامبەردا مەدرید لە تواناكانی هەریەك لە ڤینیسیۆس جونیۆر، میلیتاو، كارڤاخال، كاماڤینگا و ئالابا بێبەش دەبێت.
پێکهاتەی پێشبینیكراوی جیڕۆنا
گازانیا
میگێل، كرایچی، لۆپێز، ئارناو
ڤان دی ڤین، ئۆریۆل رۆمیۆ، ئیڤان مارتین
براین جیل، میۆڤیسكی، ئاسپرێلا
پێکهاتەی پێشبینیکراوی ریال مەدرید
كۆرتوا
ڤازكێز، ئەسینسێۆ، رودیگەر، گارسیا
مۆدریچ، ڤاڵڤێردی، بێڵینگهام
ئێمباپێ، رۆدریگۆ، براهیم دیاز
