لە جامی ئینگلتەرا، بە ئەسیستی ۱۷ ساڵانێک، ٤٠ ساڵانێک گۆڵی تۆمار کرد
یاریگا- کەمێک پێش ئێستا لە میانی یاری جامی ئینگلتەرای نێوان ڕۆچدەیڵ و نیوکاسڵ، گۆڵێک تۆمار کرا کە ڕەنگە لە یادەوەریی ئەو پاڵەوانێتیەدا بۆ هەمیشە بمێنێتەوە.
ئارۆن ویڵبراهامی تەمەن 40 ساڵ، هێرشبەری ڕۆچدەیڵ کە خاوەنی گۆڵەکە و یەکساکردنەوەی ئەنجامی کۆتایی یارییەکە بوو، بە ئەسیستی لوک ماسیسۆنی هاوتیمی و تەمەن 17 ساڵ، بوون بابەتی میدیکانی ئینگلتەرا.
– دیمەنی گۆڵەکە:
ابن السابعة عشر يصنع وصاحب ال40 عامًا يسجل ليتعادل روتشديل أمام نيوكاسل 😲
— GOAL Arabia (@GoalAR) January 4, 2020
شایەنی وەبیرهێنانەوەیە، بۆ ماسیسۆنی گچکە یەکەم جار نییە ڕۆشنایی میدیاکان بە لای خۆیدا ڕابکێشێت، بەڵکو هەر چەند مانگێک لەمەوبەر و بە دیاریکراوی مانگی 9ی ساڵی ڕابردوو، کە ئەوبکات هێشتا تەمەنی 16 ساڵ بوو، لە جامی کاراباو توانی تۆڕی گۆڵی مانچستەر یونایتد بهەژێنێت و یانەکەی لە شکستەوە ڕزگار بکات بۆ یەکسانبوون لە نێو یاریگای ئۆڵدترافۆرد. ئەو یاریزانەی کە پشووی تایبەتی پێدرابوو لەلایەن قوتابخانەکەیەوە بۆ ئەو یارییە.
– دیمەنی گۆڵەکەی لە دژی مانچستەر:
