یاریگا –
یانەیەکی ئینگلیزی لەگەڵ فرانک لامپارد گەشتوونەتە ئاستێکی پێشکەوتوو لە گفتوگۆی نێوانیان بۆ دەستنیشانکردنی ناوبراو وەک راهێنەری نوێی یانەکە.
کاروانی راهێنەرایەتی فرانک لە 2018 لەگەڵ یانەی دێربی کاونتی چامپیۆنشیپی وڵاتەکەی دەستیپێکرد پێش ئەوەی ئەزموونەکەی بگوازێتەوە بۆ چێڵسی لە ساڵێک دوای ئەوە. ناوبراو لەگەڵ بلووز تا ساڵی 2021 مایەوە و پاشان روویکردە ئیڤەرتن و لەوێش تا 2023 مایەوە. دیارترین ئەنجامەکانیشی لەو کاروانەدا گەشتنی بوو بە یاریی کۆتایی جامی یەکێتی ئینگلتەرا لەگەڵ چێڵسی.
بەگوێرەی زانیارییەکانی سکای سپۆرتس، یانەی کۆڤنتری سیتی دەیانەوێ لامپارد بکەنە راهێنەری یانەکەیان کە ئێستا بێ راهێنەر ماونەتەوە. گفتوگۆکانیش لەو بارەیەوە ئاستی پێشکەوتووی بەخۆوە بینیوە.
یانەکەی بەشدار لە چامپیۆنشیپ، لە کۆی 15 یاریی ئەم وەرزە تەنها 16 خاڵی کۆکردووەتەوە و لە پلەی 17ی ریزبەندی خولەکەوەدێن. بەهۆی ئەو ئەنجامە خراپانەوە چەند رۆژی رابردوودا مارک رۆبنسیان لە پۆستەکەی دوورخستەوە.
لامپارد لەم رکابەرێتیەدا تەنیا نەبوو، بەڵکوو سەرچاوە ئینگلیزیەکان باسیان لەوەدەکرد کە روود ڤان نیستێلڕۆی هۆڵەندیش بۆ هەمان پۆست لەو یانەیە داواکاری پێشکەشکردووە.
ڤان نیستێلڕۆی داواکاری بۆ وەرگرتنی پۆستی راهێنەرایەتی پێشکەشکردووە
