یاریگا –
بارسێلۆنا بەبێ لامین یامال حاڵی پەرێشانە، بۆیە داوا لە فیدراسیۆنی تۆپی پێی ئیسپانیا دەکات دووری بخەنەوە.
رۆژنامەی سپۆرتی کەتەلۆنی ئاشکرایکردووە، بارسێلۆنا لەم وەرزەی لالیگا لە دوو یاریی تووشی دۆڕان بووە، لە هەردوو یارییەکە لامین یامال ئامادە نەبووە، خاڵی هاوبەشی هەردوو شکستەکەی بارسا هێرشبەرە ئیسپانییەکە بووە.
رۆژنامە کەتەلۆنییەکە راشیگەیاندووە، بارسێلۆنا لەم وەرزەی لالیگا 11 بردنەوەی بەدەستهێناوە کە لامین یامال بەشداریی تیادا کردوون، بەڵام لە یاریی بەرامبەر ریال سۆسیداد بەهۆی پێکانەوە ئامادە نەبوو، بلاوگرانا 1-0 ئەو یارییەی دۆڕاند، لەکاتێکدا حەفت یاریی بوو لەسەریەک دەیبردەوە و بەلایەنی کەمەوە 3 گۆڵی دەکرد.
Lamine Yamal ya en la Ciudad Deportiva. Hoy más pruebas de su lesión para saber si va o no con la Selección. Pinta que no. @JugoneslaSexta pic.twitter.com/dVkY6ogLEf
— Josep Soldado Gómez (@JosepSoldado) November 11, 2024
میدیاکانی کەتەلۆنیا راشیانگەیاندووە، بارسێلۆنا بە نووسراوی فەرمی داوا لە فیدراسیۆنی تۆپی پێی ئیسپانیا دەکات یامال لە دوو یاریی داهاتووی هەڵبژاردەکە دووربخەنەوە و ناوی لە لیستی یاریزانە بانگهێشتکراوەکانی لاڕۆخا بهێننە دەرەوە.
لامین یامال سەرلەبەریانی ئەمڕۆ گەیشتە شاری وەرزشی بارسێلۆنا، بۆ ئەوەی پشکنینی بۆ بکرێت و دۆخی ئێستای بە راپۆرتێک ئاڕاستەی فیدراسیۆنی تۆپی پێێ ئیسپانیا بکرێت، بۆ ئەوەی پشوو بدات و یەکسەر بۆ پەیوەندیکردنی بە کەمپی هەڵبژاردەکەی گەشتی مەدرید نەکات.
میدیاکانی کەتەلۆنیا ئاشکراشیان کردووە، بارسا ئەنجامی پشکنینە پزیشکییەکانی ناردووە و روونیکردووەتەوە، لامین یامال هێشتا بە تەواوەتی لە پێکانەکەی چاک نەبووەتەوە و پێویستی بە پشوودان هەیە.
