یاریگا –
دانی ئۆلمۆ ئامادەکاری دەکات بۆ گەڕانەوە بۆ پێکهاتەی سەرەکی بارسێلۆنا، کاتێک یەکشەممەی داهاتوو لە دێربی کاتالۆنیا به‌رامبه‌ر ئیسپانیۆل یاریی ده‌كه‌ن.
بارسا لە گەڕی دوازدەیەمی خولی ئیسپانیا، لە یاریگای ئۆڵۆمپیادی لویس کۆمپانیس میوانداری ئیسپانیۆلی کەتەلۆنی دەکات.
بەگوێرەی رۆژنامەی مۆندۆ دیپۆرتیڤۆ، هانزی فلیکی راهێنەری بارسێلۆنا بەنیازە ده‌رفه‌ت به ئۆلمۆ بدات بۆ ئه‌وه‌ی به‌رامبه‌ر ئیسپانیوڵ به‌شێوه‌ی سه‌ره‌كی یاریی بكات، ئەمەش دوای ئەوە دێت کە یاریزانە ئیسپانییەکە لە پێکانی ماسولکەی به‌ته‌واوی چاکبووته‌وه.
⚔️ Dani Olmo, arma para el derbi
🔥 El mediapunta azulgrana apunta a titular contra el Espanyol tras aparecer desde el banquillo contra el Bayern y ante el Real Madrid
✍️ @jbatalla7 https://t.co/GuYRwUHn8f
— Mundo Deportivo (@mundodeportivo) November 1, 2024
رۆژنامه‌كه ئاماژه‌ی به‌وه‌شكردووه، فلیک پێی وایە ئۆلمۆ چیتر پێویستی بە چاوه‌ڕوانی نییە، بەرامبەر ئیسپانیۆل ده‌گه‌رێته‌وه یاریگاكان، پێشبینی دەکرێت له‌شوێنی ڤێرمایل لۆپێز یاریی بكات.
پێش پێکانەکەی، یاریزانی پێشووی لایپزیگ لە 5 یاریدا لەگەڵ بارسێلۆنا لە پاڵەوانێتییە جیاوازەکاندا 3 گۆڵی كردووه.
دوای ئەوەی لە ناوەڕاستی مانگی ئەیلولەوە لە یاریگاکان دوورکەوتەوە، ئۆلمۆ نزیکەی 14 خولەک لەگەڵ یانه‌كه‌ی بەرامبەر بایرن میونشن لە چامپیۆنزلیگ یاریی كرد.
