یاریگا –
لاوتارۆ مارتینێزی ئه‌رجه‌نتنیی، کاپتن و هێرشبه‌ری ئینتەرمیلان، دانی بەوەدانا کە لە ركابه‌ری تۆپی زێرینی 2024 چاوەڕوانی زیاتری دەکرد.
یاریزانه ئه‌رجه‌نتینیه‌كه لە ریزبەندی حەفتەمی باشترین یاریزانی جیهان بوو، وه‌رزێكی نایابی له‌گه‌ڵ ئینته‌رمیلان و هه‌ڵبژارده‌ی ئه‌رجه‌نتین به‌رێكرد به تایبه‌ت کە نازناوی خولی ئیتاڵیا و جامی سوپەری له‌گه‌ڵ یانه‌كه‌ی بەدەستهێنا، هه‌روه‌ها له‌گه‌ڵ ئه‌رجه‌نتین بوونه پاڵه‌وانی کۆپا ئەمریکا، بووه گۆڵکاری کۆپا ئەمریکا و کالچیۆ.
سەبارەت بە باڵۆن دۆر کە رۆدری ئیسپانی ئەستێرەی مانچێستەر سیتی خه‌ڵاته‌كه‌ی بەدەستهێنا، لاوتارۆ بۆ تۆڕی DAZN گوتی، بە دڵنیاییەوە ئەگەری باشترکردنی هه‌بوو، راشکاوانە چاوەڕوانی زیاترم دەکرد، به‌ڵام ئەم خەڵاتانە هەندێکجار نادادپەروەرانەن، بەڵام دڵخۆشم بەو کارانەی کە ده‌یكه‌م و گوێ به‌وه ناده‌م چی رووده‌دات.
ئاماژەی بەوەشکرد، خەریکە ده‌گه‌رێمه‌وه ئاستی خۆم وەک دەزانن درەنگ دەستم بە یارییەکانی ئه‌م وەرزه کرد، دوای وەرزێکی درێژ، پشووم نەدا، زۆریش یاریم دەکرد، بۆیە ئاساییە بۆ من هەست بە ماندوێتی بکەم. ده‌مه‌وێت باشترین ئاستی خۆم پێشكه‌ش بكه‌م و یارمه‌تی یانه‌كه‌م و هه‌ڵبژارده‌كه‌م بده‌م.
