یاریگا –
بەشێوەیەکی فەرمی ریال مەدرید ماوەی دوورکەوتنەوەی ئێدێر میلیتاو ئاشکرا دەکات.
ماڵپەڕی فەرمی ریال مەدرید بڵاویکردووەتەوە، ئەمڕۆ پشکنینی پزیشکی بۆ ئێدێر میلیتاوی بەرازیلی کراوە، دەرکەوتووە لە ماسولکەی رانی راستی تووشی پێکان بووە.
بەگوێرەی زانیارییەکانی رۆژنامەنووسی کۆپێ ئارناچا رۆدریگێز، پێکانی بەرگریکارە بەرازیلییەکە قورس نییە، پێشبینی دەکرێت میلیتاو بۆ ماوەی 10 رۆژ لە یاریکردن دووربکەوێتەوە.
Parte médico de Militão.#RealMadrid
— Real Madrid C.F. (@realmadrid) September 8, 2024
هەر بەگوێرەی میدیاکانی ئیسپانیا، دەیڤد ئەلابا هێشتا بۆ یاریکردن ئامادە نییە، پێشبینی دەکرێت چەند هەفتەیەکی دیکە بە تەواوی لەو پێکانە چاکببێتەوە کە لە وەرزی رابردوو تووشی بووە.
لە یاریی داهاتووی ریال مەدرید لە دڵی بەرگری تەنیا ئانتۆنیۆ رودیگەر بەردەست دەبێت، بۆیە کارلۆ ئانچێلۆتی بڕیاریداوە دانی کارڤاخالی ئیسپانی لەدڵی بەرگری یاریی پێبکات.
