یاریگا –
سۆڵ بامبا، یاریزانی پێشووی لیدز یونایتد و کاردیف سیتی لە تەمەنی 39 ساڵیدا کۆچی دواییکرد.
شەوی رابردوو شەممە، یانەی ئەدەنەسپۆری تورکی هەواڵی کۆچیی دوایی سامبای بڵاوکردەوە
سلێمان بامبا، بەڕێوەبەری هونەری یانەکەمان، بەر لە یارییەکەمان بەرامبەر مانیسا نەخۆش کەوت و لە نەخۆشخانەی جەلال بەیار لە شاری مانیسا خەوێندرا. بەداخەوە کۆچی دواییکرد.
بامبا لە ساڵی 2021 جۆرێک لە شێرپەنجەی لە لەشدا دەرکەوت، بەڵام دوای وەرگرتنی چارەسەر، خاوێنبوونەوەی جەستەی لە شێرپەنجە راگەیێندرا و جارێکی دیکە یاریی بۆ یانەکانی بلوبێردز و میدلزبڕۆ کرد.
🤍 Everyone at #LUFC is devastated to learn of the news that former #LUFC captain Sol Bamba has passed away. Our thoughts and condolences are with his family and friends at this tragic time. Rest in peace, Sol, you will be forever in our hearts. pic.twitter.com/HFqtYgsFkM
— Leeds United (@LUFC) August 31, 2024
یاریزانە کۆتدیڤوارییەکە یاریی بۆ یانەکانی لێستەر سیتی، هیبێرنیان، دەنفێرمڵاین, لیدز یونایتد، ترابزۆن سپۆر، پاریس سانجێرمان، پالێرمۆ و کاردیف سیتی کردووە، جیا لەمەش 46 یاریی نێودەوڵەتی لەگەڵ هەڵبژاردەی کۆتدیڤوار کردووە.
بامبا لە دایک و باوکێکی ئێڤواری لە فەڕەنسا لەدایکبوو، سەرەتای کاروانی وەرزشی لەگەڵ پاریس سانجێرمان دەستپێکرد و دواتر لە چووە خولی سکۆتلاندی.
یاریزانی پێشووی کاردیف سیتی، لە ئیتاڵیا و تورکیاش یاریی کردووە. لە دوای وازهێنانی لە یارییکردن، لەساڵی 2023 بۆ ماوەی شەش مانگ وەک یاریدەدەری راهێنەری کاردیف کاری کرد.
بامبا لەگەڵ هەڵبژاردەی وڵاتەکەی بەشداری لە ئۆڵێمپیادی 2008 و جامی نەتەوەکانی ئەفریقای 2012 کرد.
