تەواو؛ زاها ناگەڕێتەوە پرێمەرلیگ و ئێستا لە فەڕەنسا پشکنینی پزیشکی دەکات

یاریگا –

ویلفرێد زاها، ئەستێرەی پێشووی کریستال پاڵاس لە یانەیەکی فەڕەنسی نزیکە.

تۆڕی هەواڵی سکای سپۆرتس بڵاویکردووەتەوە، ئۆڵێمپیک لیۆن زۆر لە گواستنەوەی ویلفرێد زاها نزیکە و ئێستا یاریزانەکەی گاڵاتەسەرای پشکنینی پزیشکی لە شاری لیۆن دەکات.

زاها بە خواستن بۆ ماوەی یەک وەرز پەیوەندی بە یانە فەڕەنسییەکەوە دەکات، هەرچەندە ویلفرێد حەزی لە گەڕانەوە بوو بۆ پرێمەرلیگ و یانەکانی کریستال پاڵاس و ساوسامتن گرنگییان بەتواناکانی دابوو.

زاهای تەمەن 31 ساڵ، یەکێک بوو لە دیارترین یاریزانانی پرێمەلریگ، بەڵام بەهۆی ناسەقامگیری ئاستییەوە، نەیتوانی خۆی وەک هێرشبەرێکی گەورە پیشان بدات.

بەگوێرەی زانیارییەکانی تۆڕی ئاتلێتیک، هۆکاری نەگەڕانەوەی زاها بۆ پرێمەرلیگ، بۆ زۆری باجی حکومەتی بەریتانیا دەگەڕێتەوە.

زاها لەگەڵ گاڵاتەسەڕای لە 43 یاریدا تەنیا 10 گۆڵی کردووە.