بەفەرمی لوکاکو پەیوەندی بە ناپۆلی کرد
یاریگا –
بەشێوەیەکی فەرمی رۆمێلو لوکاکو پەیوەندی بە ناپۆلی ئیتاڵی کرد.
ماڵپەڕی ناپۆلی بڵاوی کردووەتەوە، بەشێوەیەکی فەرمی لەگەڵ رۆمێلو لوکاکوی هێرشبەری پێشووی چێڵسی گەیشتوونەیە رێککەوتن و ئێستا لوکاکۆ دەبابە بەلجیکییەکە یاریزانێکی نوێی ناپۆلییە.
Benvenuto Romelu! pic.twitter.com/u5B4hF0y0D
— AurelioDeLaurentiis (@ADeLaurentiis) August 29, 2024
گرێبەستەکەی لوکاکۆ لەگەڵ یانە ئیتاڵییەکە بۆ ماوەی سێ وەرز و تا هاوینی 2027 دەبێت، ناپۆلی لەبەرامبەر گواستنەوەی یاریزانەکە بڕی 30 ملیۆن یۆرۆ بە چێڵسی دەدات.
لوکاکو جارێکی دیکە بە ئەنتۆنیۆ کۆنتی شاد دەبێتەوە و جارێکی دیکە هێرشبەرە بەلجیکییەکە دەگەڕێتەوە ژێر سەرپەرشتی کۆنتی کە لە ئینتەر میلان لەژێر سەرپەرشتی ئەو راهێنەرە ئیتاڵییەدا لە سەردەمی زێڕینی خۆیدابوو.
لوکاکو کە ئیستا لە بۆرسەی یاریزانان نرخەکەی 30 ملیۆن یۆرۆیە، پێشتر لە سێریا ئەی لە یانەکانی رۆما و ئینتەر میلانی پۆشیوە و لە پرێمەرلیگیش درێسی یانەکانی چێڵسی و مانچێستەر یونایتدی پۆشیوە، وەرزی رابردوو لە سێریا ئەی بە خواستن یاریی بۆ رۆما دەکرد و لە 32 یاری 13 گۆڵ و 3 ئەسیستی کردووە.
Romelu is proud to be one of us!
💙 #ProudToBeNapoli | #ForzaNapoliSempre | #WelcomeLukaku pic.twitter.com/Z4R4x4LVkz
— Official SSC Napoli (@sscnapoli) August 29, 2024
