پێشهاتی نوێ؛ کالاگێڕ گەڕایەوە لەندەن
یاریگا –
کۆنۆر کالاگێر لەنێوان دوو پایتەختدا هاتوچۆیەتی و هێشتا هیچ شتێکی فەرمی رووینەداوە، بەوەش گواستنەوەی بۆ ئاتلێتیکۆ مەدرید بە کراوەیی ماوەتەوە.
6ی ئەم مانگە بوو کە رۆژنامەنووسی شارەزا و ئاگەداری بازاڕی گواستنەوەکان وەک نیمچەفەرمیی بڵاویکردەوە کە کالاگێر بۆ ئاتلێتی یەکلایی بووەتەوە و هەموو شتێ تەواو بووە بۆ گواستنەوەی تەنانەت بڕ و ماوەی گرێبەستەکەیشی. بەڵام وا دوای دوو هەفتە هێشتا چیرۆکەکە بەردەوامە.
تۆزێ پێش ئێسا هەمان رۆژنامەنووس زانیاریی نوێی بڵاوکردەوە و پەرەسەندنی نوێی ئاشکراکردووە.
بەگوێرەی زانیارییەکانی رۆمانۆ، کۆنۆر لەڕێگەیە بۆ لەندەن بە فڕۆکەیەکی تایبەت. ئەمەش چێڵسی ویستوویەتی، بەوپێیەی گرێبەستەکە لەلایەنی یانە ئیسپانییەکەوە هێشتا لە چاوەڕوانیدا ماوەتەوە.
🚨🔵 EXCLUSIVE: Conor Gallagher, on his way back to London, on private flight now!
Chelsea wanted him to return as Atlético deal still in stand-by. 🛫
All done between Conor/Atléti, medical and documents included… but no final signatures from Atléti.
↪️🏴 Story remains open. pic.twitter.com/jed9SdF28A
— Fabrizio Romano (@FabrizioRomano) August 13, 2024
رۆمانۆ زیاتری باسکردووە و نووسیویەتی کە هەموو شتێ لەنێوان کۆنۆر و ئاتڵێتی تەواو بووە بە پشکنینەکان و بەڵگەنامەکانیشەوە، بەڵام هێشتا یانە واژۆی کۆتایی لەلایەن یانەکە ئیسپانیەکەوە نەکراوە. بەوەش بابەتەکە بە کراوەیی ماوەتەوە.
یاریزانەکەی هێڵی ناوەند وەرزی رابردوو کە خراپترین وەشانەکانی بلووز بوو لە پرێمەرلیگ، لە 37 یاریدا توانی 5 گۆڵ و 7 ئەسیست بکات.
دەنگوباسەکانی چەند رۆژی رابردوو باسیان لەوە دەکرد بڕی گرێبەستەکەی 42 ملیۆن یۆرۆ لەسەر یانە مەدریدیەکە دەکەوێت و ماوەکەشی بۆ پێنج ساڵ دەبێ.
