یاریگا –
بردنەوەی کۆپا ئەمریکا بۆ ئەرجەنتینیەکان هەروا بێ سەرئێشە تێنەپەڕی کاتێک ئێنزۆ فێرناندێز لە لایڤێکی ئینستاگرامدا بە وتنەوەی گۆرانییەک هەرایەکی گەورەی نایەوە و شەڕی راگەیاندنی لە ئاستێکی باڵادا خستە نێوانی فەڕەنسا و وڵاتەکەی بەوەی گوایە گۆرانییەکە پڕ لە دەربڕینی رەگەزپەرستانە بووە.
لەم بابەتەی خوارەوە بە تێروتەسەلی دەستپێک و هەڵكشانی رووداوەکە بخوێنەوە:
ئێنزۆ فێرناندێز پەیوەندیی نێوان یاریزانانی فەڕەنسا و ئەرجەنتین تێکدەدات
یەکێک لە کاردانەوە خێراکانی ئەو کاتە، پۆستێکی ویسلی فۆفانای فەڕەنسی بوو کە هەر لەو هەواڵەی سەرەوەدا هەیە.
بەڵام وا دیارە فوفانای هاوتیمی ئێنزۆ لە چێڵسی، پەڕەیەکی نوێی هەڵداوەتەوە و بە لێدوانێکی نوێ ئاوی بە ئاگری ناکۆکیەکاندا کردووە و بە مەیڵ سپۆرتی ئینگلیزی وت
دڵخۆشم کە ئێنزۆ گەڕاوەتەوە بۆ چێڵسی. ئێمە پێکەوە یاریی دەکەین. پێویستیشە پێکەوە بمێنینەوە. بەوەش پێکەوە بەهێزین. ئەگەر من لە بەرەیک بم و ئێنزۆیش لە بەرەیەک، هەموو رۆژێکیش شەڕ بکەین یان پێکەوە قسە نەکەین و دڵخۆش نەبین، ئەوکات بە باشیش یاریی ناکەین. ئێستا هەموو شتێک باشە.
لە درێژەی لێدوانەکەیدا فۆفانا پاساوی زیاتری بۆ کردەوەکەی ئەو یاریزانە ئەرجەنتینیە هێنایەوە و وتی
ئەو داوای لێبوردنی کردووە. نەیوستووە هاندەرانی فەڕەنسا و هیچ کەسێک ئازار بدات. لەو گۆرانییە تێنەگەشتبوو کە دەیوت. باوەڕی پێدەکەم، چونکە دەیناسم، ئێنزۆ باش دەناسم. ئەو کەسێکی رەگەزپەرست نییە.
بلووز کە ئێستا لە ئەمریکان بۆ یارییە دۆستانەکان و خۆ ئامادەکردن بۆ وەرزی نوێ، بەرەبەیانی سبەینێ سێیەم یاریی خۆئ ئەنجام دەدات ئەم جارە لەگەڵ یانەی ئەمریکای مەکسیکی.
🔵🤝🏻 Wesley Fofana: “Enzo Fernández said sorry. He did not want to hurt French fans or anyone”.
“He did not understand when singing it, I trust him. Because I know him. I know Enzo”.
“He is not racist”, says via @MailSport. pic.twitter.com/tqVPLF0Ccu
— Fabrizio Romano (@FabrizioRomano) July 31, 2024
