یاریگا –
ئالڤارۆ مۆراتای ئیسپانی رەزامەندی بۆ پەیوەندیکردن بە یانەی ئەیسی میلانی ئیتاڵی دەبڕیووە.
رۆژنامەنووسی ماڵپەڕی کالچیۆ مێرکاتۆ دانیێلێ لۆنگۆ بڵاویکردووەتەوە، ئالڤارۆ مۆراتای هێرشبەری ئاتلێتیکۆ مەدریدی رەزامەندی دەربڕیووە پەیوەندی بە ئەیسی میلان بکات.
هەر بەپێی زانیارییەکانی لۆنگۆ، رۆژی چوارشەممەی داهاتوو یانە ئیتاڵییەکە گرێبەستی هێرشبەرە تەمەن 31 ساڵانییەکە یەکلایی دەکاتەوە و مۆڕاتا دەبێت بە یاریزانێکی نوێ میلان.
Esclusiva @cmdotcom: Morata orientato a dire si al Milan. Alvaro vuole parlare direttamente con il Presidente dell’Atletico Madrid per comunicare la sua scelta. Il club rossonero, per una questione di rapporti, vuole attendere prima tutti questi passaggi (segue)
— Daniele Longo (@86_longo) July 15, 2024
بەگوێرەی هەمان سەرچاوە، ئالڤارۆ سبەی سێشەممە لەگەڵ سەرۆکی یانەی ئاتلێتیکۆ مەدرید کۆدەبێتەوە، راستەوخۆ دوای کۆبوونەوەکە میلان دەست بە رێکارەکانی گواستنەوەی یاریزانەکە دەکات و بڕگەی ئازادکردنی گرێبەستەکەی چالاک دەکات.
دوای پەیوەندیکردنی ئۆلیڤیە جیرو بە خولی ئەمریکی، میلان بەدوای گواستنەوەی هێرشبەرێک وێڵە، یانەکە بەچڕی هەوڵی گواستنەوەی گۆڵکارێکی نوێ دەدات.
مۆڕاتا یاری بۆ یانەکانی ریال مەدرید، یوڤێنتوس، چێڵسی و ئاتلێتیکۆ مەدرید کردووە، لە 589 یاری 216 گۆڵی کردووە و 82 گۆڵی دروستکردووە.
بە درێسی هەڵبژاردەی ئیسپانیاش بەشداری 80 یاری کردووە، 36 گۆڵی کردووە و 8 گۆڵیشی دروستکردووە، لەگەڵ ماتادۆر نازناوی نەیشنز لیگی 2023 و جامی نەتەوەکانی ئەوروپای 2024ـی بەدەستهێناوە.
— Daniele Longo (@86_longo) July 15, 2024
