جۆشوا زیرکزی لەگەڵ مانچێستەر یونایتد گرێبەستی واژۆ کرد
یاریگا –
جۆشوا زیرکزی هۆڵەندی لەگەڵ یانەی مانچێستەر یونایتدی ئینگلیزی گرێبەستی واژۆ کرد.
رۆژنامەنووسی ئیتالی فابریزیۆ رۆمانۆ بڵاویکردووەتەوە، جۆشوا زیرکزی گرێبەستێکی بۆ ماوەی 5 وەرز لەگەڵ مانچێستەر یونایتد واژۆ کرد و ئێستا ئەستێرە هۆڵەندییەکە بووەتە یاریزانێکی نوێی شەیتانە سوورەکان.
🔴🔐 Joshua Zirkzee has signed his five year deal plus option as new Manchester United player. https://t.co/v4tqrM9gFX
— Fabrizio Romano (@FabrizioRomano) July 12, 2024
بەگوێرەی زانیارییەکانی رۆمانۆ گرێبەستەکەی زیرکزی لەگەڵ یانە ئینگلیزییەکە تا هاوینی 2029 دەبێت لەگەڵ بژاردەی نوێکردنەوەی بۆ وەرزێکی دیکەش. مان یونایتد لەبەرامبەر گواستنەوەی یاریزانەکە بڕی 42,5 ملیۆن یۆرۆ بە بۆڵۆنیای ئیتالی دەدات.
بەپێی هەمان سەرچاوە ئەمڕۆ هێرشبەرە تەمەن 23 ساڵانییەکە بەسەرکەوتووی پشکنینی پزیشکی بۆکراوە و بەم زووانە یانەکە بەفەرمی گرێبەستەکەی رادەگەیەنێت.
جۆشوا لە هاوینی 2022 بەبڕی €8.50 ملیۆن یۆرۆ لە بایرن میونشنەوە پەیوەندی بە بۆڵۆنیا کرد، وەرزی رابردوو ئاستێکی بەرزی لەگەڵ یانەکە پێشکەشکرد. بەشداری 37 یاری یانەکەی کرد، 12 گۆڵی کرد و 7 گۆڵیشی دروستکرد.
