ڤاسکۆ دێ گاما بەفەرمی گەڕانەوەی فیلیپ کۆتینیۆی بۆ ریزەکانی راگەیاند
جارێکی دیکە ئاستۆن ڤیلا بە خواستن بەڕێیکرد
یاریگا –
ڤاسکۆ دێ گامای بەڕازیلی بەفەرمی گواستنەوەی فیلیپ کۆتینیۆی بۆ ریزەکانی راگەیاند.
یانەی ڤاسکۆ دێ گامای بەڕازیلی بەفەرمی رایگەیاندووە، فیلیپ کۆتینیۆ یاریزانی بەڕازیلی کە لە یانە بەڕازیلییەکە دەستی بە یاریی کردووە، بە خواستن بۆ ماوەی وەرزێک لە ئاستۆن ڤیلای ئینگلیزییەوە دەچێتە ریزەکانی یانە بەڕازیلییەکە.
Gratidão. Lealdade. Amor. 🎩🪄
Philippe Coutinho é Vasco! 💢
📸: Leandro Amorim | #VascoDaGama#CoutinhoÉVasco pic.twitter.com/i9cIUPeWHo
— Vasco da Gama (@VascodaGama) July 10, 2024
کۆتینیۆ (32 ساڵان) کە ساڵی 2008 لە ریزی تیپی لاوانی یانەی ڤاسکۆ دێ گاما دەستی بە یاریی کرد، بۆ ماوەی وەرزێک لە یانەی ڤاسکۆ دێ گاما یاریی دەکات، لەکاتێکدا وەرزی رابردووش بە خواستن لە ئاستۆن ڤیلاوە روویکردبووەوە ریزەکانی دوحەیلی قەتەڕی و لەو یانەیە یاریی دەکرد.
کۆتینیۆ کە ئێستا لە بۆرسەی یاریزانان نرخەکەی 7.5 ملیۆن یۆرۆیە، تاوەکو ساڵی 2026 گرێبەستی لەگەڵ یانەی ئاستۆن ڤیلای ئینگلیزی هەیە و ساڵی 2022 پەیوەندی بەو یانەیە کرد.
🪄🎩 TODO MUNDO JÁ SABE.
O MÁGICO VOLTOU.
COUTINHO É VASCO! 💢#CoutinhoÉVasco#VascoDaGama pic.twitter.com/ksWaOFAcxT
— Vasco da Gama (@VascodaGama) July 10, 2024
کۆتینیۆ لە ڤاسکۆ دێ گاما درێسی ژمارە 11 دەپۆشێت کە پێشتر 19 یاریی فەرمی بە درێسی ئەو یانەیە کردووە و گۆڵێکیشی کردووە، کۆتینیۆ پێشتر لە ریزی یانەکانی لیڤەرپوولی ئینگلیزی، بارسێلۆنای ئیسپانی، بایرن میونشنی ئەڵمانی و ئینتەر میلانی ئیتاڵیش یاریی کردووە.
