داواکارییەکی سەیری یەکێتی تۆپی پێی کرواتیا لە مۆدریچ
یاریگا –
سەرۆکی یەکێتی تۆپی پێی کرواتیا، ماریان کۆستیچ داوای لە لۆکا مۆدریچ کردووە تا مۆندیالی 2026 لە هەڵبژاردەکەیان بمێنێتەوە.
هەڵبژاردەی کرواتیا بە یەکسانبوون بەرامبەر هەڵبژاردەی ئیتاڵیا لە کۆتا ساتەکانی یاریی سێیەمی قۆناغی کۆمەڵەکانی یۆرۆی 2024 نەیتوانی بگاتە قۆناغی 16 و لە پاڵەوانەتییەکە کرانە دەرەوە و ناچاربوون ئەڵمانیا بەجێبهێڵن.
ئەمە دوایین یاری مۆدریچ بوو لە یۆرۆ لە تەمەنی 38 ساڵیدا، تەنانەت زۆرێک بانگەشەی ئەوە دەکەن کە رەنگە دوای ئەم رکابەرییە بڕیاری ماڵئاوایی لە هەڵبژاردەی وڵاتەکەی داوە، بەڵام پێدەچێت بەڕێوەبەرانی تۆپی پێی ئەم وڵاتە بیانەوێت تاوەکوو مۆندیالی 2026 مۆدریچ لە تیپەکەیاندا بهێڵنەوە.
کۆستیچ کە سەرۆکی فیدراسیۆنی تۆپی پێی کرواتیایە، سەبارەت بە مانەوەی مۆدریچ لە هەڵبژاردە بە رۆژنامەنووسانی راگەیاند:
لۆکا بەرپرسیارێتییەکی گەورەی هەیە بەرامبەر بە تۆپی پێی کرواتیا. پێشتر دووجار لەسەر ئەم بابەتە قسەم لەگەڵ کردووە. من بە تایبەتی پێم خۆشە قۆڵبەستی کاپتنی کرواتیا لە مۆندیالی 2026 لە قۆڵی ئەودا بینم. بەڵام دواجار ئەوە لوکایە کە دەبێت لەگەڵ خێزانەکەی بڕیار لەسەر ئەم بابەتە بدات.
🗣 Marijan Kustić, president of the Croatian Football Federation:
“If Luka Modrić will continue? Luka is responsible for Croatian football. I have already spoken to him twice. Personally, I would like him to wear the captain’s armband in the Nations League, the World Cup… pic.twitter.com/OKRSbHrqSd
— Madrid Xtra (@MadridXtra) June 26, 2024
ئاستی خراپی کرواتیا لە قۆناغی کۆمەڵەکان بەتایبەتی بەرامبەر ئیسپانیا و ئەلبانیا، کاریگەرییەکی زۆری لەسەر سەرنەکەوتنی تیپەکە هەبوو. زلاتکۆ دالیچی راهێنەر، گۆڕانکاری لە پێکهاتەی تیپەکەدا کرد، بەڵام نەیتوانی ئەنجامی خوازراو بەدەستبهێنێت. ئێستا پێویستە کرواتیا چاوی لە داهاتوو بێت و خۆی بۆ پێشبڕکێکانی داهاتوو ئامادە بکات.
