یاریگا –
وادی راگەیاندنی راهێنەری نوێی یوڤێنتوس ئاشکرا کرا و بڕیار وایە هەفتەی داهاتوو بە فەرمی ناسنامەی راهێنەرەکە ئاشکرا بکرێت.
چەند رۆژێک لەمەوبەر یوڤی و ماسیملیانۆ ئالێگری بە رێكکەوتنێکی دوولایەنە لەیەکەتر جیا بوونەوە پاش وەرزە بێ بەرهەمەکەیان.
بەگوێرەی زانیارییەکانی فابریزۆ رۆمانۆی رۆژنامەنووسی ئیتاڵی، هەفتەی داهاتوو تیاگۆ مۆتا واژۆ لەسەر گرێبەستەکەی دەکات وەک راهێنەری یوڤێنتوس، نەک ئەم هەفتەیە کە دەنگۆ وا بوو.
رۆمانۆ نووسیویەتی کە پرۆسەکە هیچ گرفت و گۆڕانێکی تێدا رووی نەداوە. گرێبەستەکەی تا هاوینی 2027 دەخایەنێت.
🚨⚪️⚫️ Thiago Motta will sign in as new Juventus head coach next week, it was never planned to sign this week.
No issues, no changes. It’s all done and contract until June 2027 will be sealed next week.
Motta, already planning for Juve moves like Di Gregorio & Koopmeiners. pic.twitter.com/udpzsr5N9R
— Fabrizio Romano (@FabrizioRomano) June 4, 2024
مۆتا وەرزێکی نموونەیی لەگەڵ بۆڵۆنیا بەڕێکرد کە توانی پلەی پێنجەمی سێریائەیان بۆ مسۆگەر بکات و بۆ یەکەمین جار لەدوای وەرزی 1964/65 یانەکە بە چامپیۆنزلیگ شاد بکاتەوە.
رۆمانۆ ئەوەشی زانیووە کە مۆتا پیشوەختە پلانی داناوە بۆ گرێبەستی نوێ و سەرەکیترین جووڵەکانیشی بە ئاراستەی دی گریگۆریۆی گۆڵپارێزی مۆنزا کە باشترین گۆڵپارێزی خولی ئیتاڵ بردەوە، لەگەڵ کۆپمینێرزی هۆڵەندی لە یانەی ئاتڵانتا.
