بەفەرمی ناپۆلی گرێبەستی ئانتۆنیۆ کۆنتی راگەیاند
یاریگا –
یانەی ناپۆلی ئیتاڵی بەفەرمی گرێبەستی ئانتۆنیۆ کۆنتی راهێنەری نوێێ یانەکەی بۆ ماوەی سێ ساڵ راگەیاند.
یانەی ناپۆلی لە ماڵپەڕی فەرمی یانەکەی رایگەیاندووە، بەشێوەیەکی فەرمی گرێبەستیان لەگەڵ ئانتۆنیۆ کۆنتی راهێنەری ئیتاڵی واژۆ کردووە و کۆنتی تا هاوینی 2027 بۆ ماوەی سێ ساڵ راهێنەرایەتی یانەکەیان دەکات.
Un nuovo capitolo della nostra Storia inizia oggi.
Benvenuto Mister Conte! 💙Leggi la news 👉 https://t.co/e0FNt4l6Aw
#ConTe #ForzaNapoliSempre pic.twitter.com/gBTBhyZTwd— Official SSC Napoli (@sscnapoli) June 5, 2024
ناپۆلی وەرزی رابردوو لە سێریا ئەی بە کۆکردنەوەی 53 خاڵ پلەی دەیەمی بەدەستهێنا و وەرزی داهاتوو مافی بەشداریکردنی لە هیچ پاڵەوانێتییەکی ئەوروپا نابێت.
ئەنتۆنیۆ کۆنتی (54 ساڵان) ساڵی رابردوو لە راهێنەرایەتی تۆتێنهام هۆتسپێرس دوورخرایەوە و پێشتر راهێنەرایەتی ئینتەر میلان، چێڵسی، ئیتاڵیا یوڤێنتۆسی کردووە و لەگەڵ یۆڤی و ئینتەر چوار جار نازناوی سێریا ئەی بەدەستهێناوە و لەگەڵ چێڵسیش نازناوێکی پرێمەرلیگی بردووەتەوە.
Benvenuto Antonio! pic.twitter.com/HHtEkixxb3
— AurelioDeLaurentiis (@ADeLaurentiis) June 5, 2024
