یاریگا –
ریاڵ مەدرید لە چەند هەفتەی داهاتوو گرێبەستی یەکێک لە یاریزانە دیارەکانی بە فەرمی رادەگەیەنێت.
شاهانەکان هاوینێکی قورس چاوەڕێیان دەکات لە بابەتی بڕیاردان لەسەر نوێکردنەوە یاخود دەستبەرداربوون لە گرنترین یاریزانەکانیان کە دیارترینیان لوکا مۆدریچ، تۆنی کرۆس و لوکاس ڤاسکێزە.
بەگوێرەی زانیارییەکانی ڕێلیڤۆی ئیسپانی، مەدرید و ڤاسکێز سەرقاڵن بە یەکلاکردنەوەی وردەکارییەکانی درێژکردنەوەی گرێبەستی نێوانیان.
🚨 Lucas Vazquez will stay at Real Madrid! 🤍
Both parties are finalising the details of the extension. The signature will be formalised in the coming weeks. 🤝
(Source: @relevo) pic.twitter.com/AvMHj1ppbC
— Transfer News Live (@DeadlineDayLive) May 12, 2024
ئەو سەرچاوە لە زانیارییەکانیدا ئاماژەی بە کات کردووە و ئاشکرای کردووە کە چەند هەفتەی داهاتوو واژۆکردنەکە بە فەرمی رادەگەیەنرێت.
ئەم پێشهاتە لە کاتێکدایە مانگی شوباتی ئەم ساڵ سەرچاوەیەکی ئیسپانی بڵاوی کردەوە کە یاریزانە ئیسپانییەکە دەستپێشخەرییەکی یانەکەی رەتکردووەتەوە بە مانەوەی بۆ سێ وەرزیتر بەڵام بە هەمان مووچەی ساڵانەی 3.5 ملیۆن یۆرۆ.
بەرگریکارەکەی لای چەپ، مانگی یۆلیۆ تەمەنی دەبێتە 33 ساڵ. کوڕی ئەکادیمیای یانەیەکەیە و لەوەتەی سەرخراوە بۆ تیمی یەکەم لە ساڵی 2015، تا ئێستا لەگەڵ قەڵای سپی ماوەتەوە و چەندین نازناوی جۆراوجۆری بردووەتەوە.
