گارناچۆ لەگەڵ تێن هاگ هەرادەنێتەوە
ئەلیخاندرۆ گارناچۆ ئەستێرەی مانچێستەر یونایتد بە ڵایکی پۆستێک لە تویتەر کێشە دەنێتەوە.
رۆژی شەممە، مان یونایتد بەرامبەر بۆرنماوس دوو خاڵی لەدەستدا، دوای یارییەکەش تێن هاگی راهێنەری شەیتانە سوورەکان رەخنەی لە گارناچۆ گرت. ناوبراو تەنها 45 خولەک یاریکرد و تێن هاگ وتی “بۆیە گۆڕانکاری پێکردووە چونکە پێویستییان بە کەسێکی ئاست بەرزتر بووە”.
لە تۆڕی ئێکس (تویتەر) میدیاکار مارک گۆڵدبریج لەسەر ئەو قسەیەی تێن هاگ نوسیبووی “تێن هاگ روویەکی ناشرینی نیشاندا کاتێک گەنجێکی 19 ساڵ دەکاتە بەرپرسی ئەنجامەکە لە کاتێکدا لەم وەرزەدا ئاستێکی بەرزی نیشانداوە، بەڵام دیارە ناوێرێت رەخنە لە یاریزانە خاوەن مووچە بەرزەکان بگرێت”.
Ten Hag subtly blaming Garnacho in the post match press conference…not a good look throwing a 19 year old under the bus who has actually delivered for you this season. But then again he’s clearly scared of upsetting the bigger earners
— Mark Goldbridge (@markgoldbridge) April 13, 2024
هەرزوو دەرکەوت، گارناچۆ بە ئەکاونتی فەرمی خۆی ئەم پۆستەی گۆڵد بریجی ڵایک کردووە بەوەش پێدەچێت بکەوێتە ژێر نەفرەتی تێن هاگ، هاوشێوەی کریستیانۆ رۆناڵدۆ و سانچۆ کە هەردووکیان بەهۆی ناکۆکی لەگەڵ ئەو راهێنەرە رووبەرووی دوورخستنەوەی و سڕکردن هاتن.
