یاریگا –
لاوتارۆ مارتینێز, ئەستێرەی ئەرجەنتینی ئینتەرمیلان, هیچ ئارەزوویەکی نییە وەرزی داهاتوو پەیوەندی بە پاریس سانجێرمانەوە بکات.
بڕیارەکەی کیلیان ئێمباپێ بۆ جێهێشتنی پاریس سانجێرمان لە کۆتایی ئەم وەرزەدا وایکردووە بەڕێوەبەرانی ئەم یانەیە بەجدی بیر لە شوێنگرەوەیەکی گونجاو بکەنەوە.
ئەستێرە فەڕەنسییەکە چیتر نایەوێت لە پارک دۆ فرانس بەردەوام بێت و بە ئەگەرێکی زۆرەوە روو لە مەدرید دەکات، بەم هۆیەوە پاریس سانجێرمان بیر له پڕکردنەوەی شوێنی له هێڵی هێرشبردندا دەکاتەوە و بژاردەی جیاوازیان لەبەرچاو گرتووە.
یەکێک لەو ناوانەی کە لە چەند رۆژی رابردوودا چەندین جار باسی لێوە کراوە، لاوتارۆ مارتینێزە، هەروەها باس لەوە کرا کە بەڕێوەبەرانی پاریس سانجێرمان زۆر ئارەزووی گواستنەوەی ئەم هێرشبەرە لە هاوینی داهاتوودا دەکەن.
بەڵام پێدەچێت مارتینێز بڕیارێکی لەو شێوەیەی نەبێت و لە وەڵامی پرسیارێکدا سەبارەت بەم بابەتە گوتی:
پاریس سانجێرمان گرنگی بە من دەدات، بەڵام لێرە دڵخۆشم. لە سەرەتای هاتنمدا چاوەڕوانی ئەم خۆشەویستییەم لە ئینتەرمیلان نەدەکرد. خێزانەکەم لێرە هەست بە ئاسودەیی دەکەن. وردەکارییەکان سەبارەت بە درێژکردنەوەی گرێبەستەکەم هێشتا ماوە، بەڵام نیگەران نیم و بەم زووانە واژۆ دەکەم.
لاوتارۆ لەگەڵ ئینتەر توانیویەتی ژمارەیەکی پێوانەیی تۆمار بکات و ببێتە یەکەم یاریزانی ئەرجەنتینی لە مێژووی یانە ئیتاڵیەکەدا 125 گۆڵ تۆمار بکات و هەروەها ئەم وەرزە لە سێریا ئەی لە 22 یاریدا 20 گۆڵی کردووە.
🚨 PSG had made a contact with Lautaro Martinez’s agent Alejandro Camano who is also the agent of Achraf Hakimi for a potential move this summer, but Lautaro loves his life in Milan and is in talks for a contract extension. @FOXSportsArg 🗼🇫🇷 pic.twitter.com/2sWgnUfZOS
— All About Argentina 🛎🇦🇷 (@AlbicelesteTalk) February 15, 2024
