هۆکاری شکستهێنانی یانەی شەباب لە گواستنەوەی ئالمیرۆنی نیوکاسڵ
یاریگا –
میگێل ئالمیرۆن ئەم زستانەیش لە نیوکاسڵ دەمێنێتەوە، بەوپێیەی لە درێژەی گفتوگۆکانیاندا لەگەڵ شەبابی سعودی نەگەشتنە ڕێککەوتن بەهۆی ئەو نرخەی یانە ئینگلیزیەکە بۆ هێرشبەرەکەیان دایاننابوو.
ڕۆژنامەی گاردیانی بەریتانی ئاشکرای کردووە کە نیوکاسڵ بۆ دەستبەرداربوون لە یاریزانە ئۆرۆگواییەکەیان داوای ٣٠ ملیۆن پاوەندیان کردووە، لە بەرامبەردا یانە سعودیەکە ئەو بڕەی پێ هەڵنەسوڕاوە و سەرەنجام پرۆسەکە پەکی کەوتووە.
Miguel Almirón set to stay at Newcastle as Al-Shabab fail to meet £30m price tag https://t.co/HztCLrsgsI
— Guardian sport (@guardian_sport) January 29, 2024
هەمان سەرچاوە ئەوەشی زانیوە کە هەفتەی ڕابردوو شەباب ١٧ ملیۆن پاوەندی وەک کۆتا نرخ دیاری کردبوو بۆ کڕینی، بەڵام ڕەت کرابووەوە، بۆیە لە ئێستادا بە تەواوەتی ئەو مامەڵەیە کۆتایی پێ هاتووە بەتایبەت کە یانە خەلیجیەکە توانی ئیڤان ڕاکیتیچی کرواتی بگوازێتەوە.
ئالمیرۆن دەبێتە دووەم یاریزانی تیمەکەی ئێدی هاوی ڕاهێنەر کە لە ماوەی میرکاتۆی زستانەدا ڕەت بکرێتەوە لە کۆتا گفتوگۆکاندا، ئەوە لە دوای شکستهێنانی چوونی کیریان تریپیەر بۆ بایەرن میونخ.
