دوای رۆیشتنی مۆرینیۆ چارەنووسی دیبالا یەکلایی بووەوە
یاریگا –
پاولۆ دیبالای ئەرجەنتینی ریزەکانی رۆمای ئیتاڵی جێناهیڵیت.
رۆژنەمانووسی تۆڕی سکای سپۆرت رودی گالێتی بڵاویکردووەتەوە، پاولۆ دیبالا لە مێرکاتۆی زستانە ریزەکانی رۆما جێناهێڵێت و لە ئیتاڵیا دەمێنێتەوە.
گالێتی ئاماژەی بەوەش کردووە، ئیدارەی رۆما هەوڵەکانی چڕکردووەتەوە تا گرێبەستەکەی ئەستێرە ئەرجەنتینییەکە نوێبکەنەوە، کە لە هاوینی 2025 کۆتایی دێت.
🚨‼️ Paulo #Dybala – unlikely to leave #ASRoma in January – is open to evaluate proposals for the next season, especially after Mourinho's farewell.
📝 At the same time, the 🟡🔴 are working to extend the contract of the 🇦🇷 player, expiring in 2025: evolving situation. 🐓⚽️ pic.twitter.com/pBkr8Fb3r4
— Rudy Galetti (@RudyGaletti) January 17, 2024
دیبالا لە هاوینی 2022 لەسەر داوای جۆزێ مۆرینیۆ بە گرێبەستێکی ئازاد لە یوڤێنتوسەوە پەیوەندی بە رۆما کرد. بەڵام دوای دوورخرانەوەی راهێنەرە پۆرتوگالییەکە نازاندرێت پاولۆ گرێبەستێکی درێژخایەن واژۆ دەکات یاخود لە هاوینی داهاتوو بڕیاری رۆیشتن دەدات.
دیبالا بە درێسی رۆما لە سەرجەم پاڵەوانێتییەکاندا 56 یاری کردووە، 24 گۆڵی بۆ یانەکەی کردووە 14 گۆلیشی درووستکردووە.
