ئاستە نایابەکەی ئۆبامیانگ لەگەڵ مارسیلیا خەڵاتی بەدوادا هات

یاریگا –

پیێر ئێمریک ئۆبامیانگ لەگەڵ مارسیلیا دەدرەوشێتەوە و توانی بەو ئاستەی پێشکەشی کرد لە مانگی ڕابردوو لە میانی یارییەکانی لیگ وەنی فەرەنسی، خەڵاتی باشترین یاریزانی مانگ لە بەرژەوەندی خۆی یەکلا بکاتەوە.

ڕکابەرەکانی هێرشبەرە گابۆنییەکە لەو مانگەدا ئاسان نەبوون و هەریەکە لە کیلیان مباپێی فەرەنسی و ئەلیکساندەر لاکازێتی لیۆن پاڵێوراوی مانگەکە بوون کە دیسەمبەری ساڵی ڕابردوو بوو.

ئۆبا لە پێنج یاری لە دیسەمبەردا، نایاب درەوشایەوە و توانی چوار گۆڵ و چوار ئەسیستی هەبێت بۆ یانەکەی. ئەوانە و هاوکات دوو جاریش باشترین یاریزانی یارییەکان بوو.

🚨 𝗢𝗙𝗙𝗜𝗖𝗜𝗔𝗟: Pierre-Emerick Aubameyang has won the Ligue 1 Player of the Month for December:

🏟️ 5 matches
⚽️ 4 goals
🅰️ 4 assists

Well deserved. 💙🩶 pic.twitter.com/AwLVg6hnsF

— Football Tweet ⚽ (@Football__Tweet) January 16, 2024

ئەستێرە ٣٤ ساڵانییەکە دوای دوو وەرزی پڕ لە بێهوایی بە دوای یەک لە یانەکانی بارسێلۆنا و چێڵسی، هاوینی ڕابردوو بە گرێبەستێکی سێ ساڵی ڕووی کردە ئۆڵێمپیک مارسیلی فەرەنسی.

یانەکەی لە ئێستادا لە پلەی حەوتەم دێت و لە هەژدە هەفتەی خولەکەدا ٢٨ خاڵیان کۆ کردووەتەوە.