یاریگا –
لە چەند رۆژی رابردوودا یەكێتیی ئامار و مێژووی نێودەوڵەتی تۆپی پێ ( IFFHS) براوەی خەڵاتی باشترینەكانی ساڵی 2023ی ئاشكرا كرد.
فیدراسیۆنی نێودەوڵەتی بۆ مێژوو ئامار ( IFFHS ) باوەڕپێكراوی فیفایە و ساڵانە باشترینەكانی جیهان دەستنیشان دەكات.
براوەكانی IFFHS بۆ ساڵی 2023:
باشترین یاریزان:
ئێرلینگ هالاند، ئەستێرەی مانچێستەر سیتی بە باشترین یاریزانی جیهان بۆ ساڵی 2023 دەستنیشانكرا.
باشترین یاری درووستكەر:
كێڤن دی برۆین، ئەستێرەی مانچێستەر سیتی بە باشترین یاری دروستكەر بۆ ساڵی 2023 دەستنیشانكرا.
باشترین راهێنەری هەڵبژاردە:
لیۆنێل سكالۆنی، راهێنەری هەڵبژاردەی ئەرجەنتین بە باشترین راهێنەر لەسەر ئاستی هەڵبژاردەكان دەستنیشانكرا.
باشترین راهێنەری یانەكان:
پێپ گواردیۆلا، راهێنەری مانچێستەر سیتی بە باشترین راهێنەر لەسەر ئاستی یانە دەستنیشانكرا.
باشترین یاریزانی لاو:
جود بێڵینگهام، ئەستێرەی یانەی ریال مەدریدی ئیسپانی بە باشترین یاریزانی خوار 20 ساڵان دەستنیشانكرا.
باشترین گۆڵپارێز:
ئێدەرسن مۆرایس، گۆڵپارێزی یانەی مانچێستەر سیتی ئینگلیزی بە باشترین گۆڵپارێز دەستنیشانكرا.
باشترین گۆڵكار:
كریستیانۆ رۆناڵدۆ، ئەستێرەی یانەی نەسری سعودی بە باشترین گۆڵكاری ساڵی 2023 دەستنیشانكرا.
باشترین كۆڵكاری خولە بەهێزەكانی ئەوروپا:
هاری كەین، ئەستێرەی یانەی بایرن میونشن بە باشترین گۆڵكاری خولە بەهێزەكانی جیهان دەستنیشانكرا.
باشترین گۆڵكاری هەڵبژاردەكان:
رۆمیلو لوكاكۆ، ئەستێرەی هەڵبژاردەی بەلجیكا بە باشترین گۆڵكاری هەڵبژاردە بۆ ساڵی 2023 دەستنیشانكرا.
باشترین ناوبژیوان:
سیمۆن مارچیناك، ناوبژیوانی پۆڵەندی بە باشترین ناوبژیوان بۆ ساڵی 2023 دەستنیشانكرا.
باشترین پێكهاتەی ساڵ:
گۆڵپارێز: ئێدەرسن
هێڵی بەرگری: ئالفۆنسۆ دەیڤز، كیم مین جای، روبن دیاز
هێڵی ناوەند: لیۆنێل مێسی، كێڤن دی برۆین، جود بێڵینگهام، رۆدری
هێڵی هێرشبردن: كیلیان ئێمباپێ، ئێرلینگ هالاند، هاری كەین
