یاریگا-
رۆبێرتۆ مارتینێز، راهێنەری ئیسپانی هەڵبژاردەی پۆرتوگال سورپرایزێكی سەبارەت بە هەڵوێستی كریستیانۆ رۆناڵدۆ سەبارەت بە وازهێنانی لە یاری نێودەوڵەتی ئاشكرا كرد.
لە یارییەكانی جامی جیهانی 2022ی قەتەڕ، كریستیانۆ رۆناڵدۆ لەگەڵ فێرناندۆ سانتۆسی راهێنەر بە بارودۆخێكی سەختدا تێپەڕین و لە قۆناخی چارەكی كۆتایی دوای دۆڕاندنیان بەرامبەر مەغریب ماڵئاواییان لە پاڵەوانیەتیەكە كرد.
پۆرتوگال لە یارییەكانی یۆرۆی 2024 لە كۆمەڵەی شەشەم دێت هاوشانی هەریەك لە هەڵبژاردەكانی چیك و توركیا لەگەڵ هەڵبژاردەیەكی دیكە كە بە یاری پاشكۆ دەگاتە ئەو پاڵەوانییەتیە.
🤯🇵🇹CRISTIANO RONALDO le cuenta a Roberto Martínez el récord que quiere batir.
🗣️"Me dijo que le interesaba llegar a las 250 internacionalidades." Vía Freddie Ljungberg pic.twitter.com/bTDi5FOlC6
— El Chiringuito TV (@elchiringuitotv) December 27, 2023
رۆبێرتۆ مارتینێز لە لێدوانێكیدا كە بەرنامەی چێرینگویتۆی ئیسپانی بڵاویکردووەتەوە گوتی:
لەگەڵ كریستیانۆ رۆناڵدۆ ئەو كاتەی زۆر نزیك بوو لە یاری ژمارە 200ی نێودەوڵەتی قسەم كرد، شتێك كە پێشتر كەس نەیكردووە.
بەردەوام بوو گوتی:
بە رۆناڵدۆم گوت; ئایا گەیشتن بە یاری ژمارە 200ی نێودەوڵەتی جێگای سەرنجە یان نا؟ لە وەڵامدا پێی گوتم، دەمەوێت بگەمە یاری ژمارە 250 لەگەڵ پۆرتوگال.
دۆن رۆناڵدۆ لەگەڵ هەڵبژاردەی پۆرتوگال 205 یاری كردووە و توانیویەتی 128 گۆڵ بكات و 46 گۆڵیش درووست بكات.
ئەفسانەكەی تۆپی پێ بە شێوەیەكی فەرمی و بە كردنی 53 گۆڵ بوو بە خاوەنی زۆرترین گۆڵ لە ساڵی 2023.
