ئابڕووچونێکی دیکە لە سوپەرلیگی تورکیا
سەرۆکی یانەی ئیستانبوڵ سپۆر یاری راگرت و هەڵیوەشاندەوە
یاریگا –
جارێکی دیکە ئابڕووچون لە یارییەکی سوپەرلیگی تورکیا روویدا، ئەمەش دوای تێپەڕبوونی تەنیا هەفتەیەک بەسەر قەیرانە گەورەکەی یارییەکەی ئەنقەرەگوچۆ و ریزە.
بە هۆی هێرشی سەرۆکی یانەی ئەنقەرەگوچۆ بۆ سەر خەلیل ئوموت، ناوبژیوان. یارییەکانیسوپەرلیگی تورکیا بۆ ماوەی 10 رۆژ راگیران.
دوای دەستپێکردنەوەی یارییەکانی سوپەرلیگ، سەرنجی تەواوی میدیاکان چووە سەر یاری نێوان ئیستانبوڵ سپۆر و ترابزۆن سپۆر، کاتێک ئیسماعیل ساریالیئۆغڵو، سەرۆکی ئیستانبوڵ سپۆر، لە خولی 73 چووە نێو یاریگا و یارییەکەی راگرت.
Turquía otra vez es noticia.
El Istanbulspor, último de la liga con sólo 8 puntos, se retira del partido por orden de su presidente, porque el árbitro no les señala un penalti.El “penalti” en el siguiente tuit.pic.twitter.com/O3mWwzosDm
— 🆁🅴🅶🅻🅰18 (@reglaXVIII) December 19, 2023
سەرۆکی یانەکەی ئیستانبوڵ ناڕەزایی لە دژی ناوبژیوانی یارییەکە دەربڕی، ئەمەش بەهۆی هەژمار نەکردنی لێدانێکی سزا بۆ تیمەکەی. دواتر پۆڵ ئۆنواچو، هێرشبەری نایجێری گۆڵی دووەمی (2-1) بۆ ترابزۆن کرد و ئەمەش سەرۆکی یانەکەی توڕە کرد و یارییەکەی راگرت.
سەرۆکی ئیستانبوڵ سپۆر لە خولەکی 73 چووە نێو یاریگا و یاریزانانی یانەکەی ناچارکرد یاریگا جێبهێڵن. هەرچەندە ئەرتوگرول دۆغان، سەرۆکی ترابزۆن سپۆر هەوڵێکی زۆری بۆ رازیکردنی سەرۆکی ئیستانبوڵ سپۆردا، تاوەکو لە یارییەکە بەردەوام بن. بەڵام هەوڵەکانی بێهوودە بوون و یانەی ئیستانبوڵ سپۆر یاریگای جێهێشت و یارییەکە راگیرا.
تاوەکو ئێستا یەکێتیی تۆپی پێی تورکیا هیچ بڕیارێکی لەبارەی یارییەکە نەداوە.
