یاریگا –
بەشێوەیەكی فەرمی یانەی سێڤییای ئیسپانی دیێگۆ ئاڵۆنسۆی ئۆرۆگوایی لە پۆستی راهێنەرایەتیكردنی یانەكەی دوورخستەوە.
لە مانگی ئۆكتۆبەری رابردوودا دیێگۆ ئاڵۆنسۆ لە جێگای خۆسێ لویس مێندیلیبار وەك راهێنەری سێڤییا دەستنیشانكرا.
شەوی رابردوو سێڤییا لە یاریگای رامۆن سانچێز بیزخوانی تایبەت بە خۆی میوانداری خیتافی كرد و یاریەكەش بە ئەنجامی سێ گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی حەڤدەی لالیگای ئیسپانیا.
Final. pic.twitter.com/2dyZqKJQhK
— Sevilla Fútbol Club (@SevillaFC) December 16, 2023
راستەوخۆ لە دوای ئەو دۆڕاندنە راهێنەرە ئۆرۆگواییەكە لە پۆستی راهێنەرایەتیكردنی سێڤییا دوورخرایەوە.
لە بەیاننامەكەی سێڤییادا هاتووە:
یانەی سێڤییا دوورخستنەوەی دیێگۆ ئاڵۆنسۆی لە پۆستی راهێنەرایەتیكردنی یانەكە راگەیاند، یانەكە سوپاسی راهێنەرە ئۆرۆگواییەكە دەكات بۆ ئەو خزمەتەی كردوویەتی و هیوای سەركەوتنی لە داهاتوودا بۆ دەخوازێت.
ℹ️ Comunicado oficial: Diego Alonso deja de ser entrenador del #SevillaFC. #WeareSevilla
— Sevilla Fútbol Club (@SevillaFC) December 16, 2023
سێڤییا بە بارودۆخێكی سەختدا تێدەپەڕێت بەوپێیەی كە لە پاڵەوانیەتییە ئەوروپیەكان بە شێوەیەكی یەكجاری ماڵئاواییان كرد و لە لالیگاش لە ریزبەندی شازدەیەم دێت.
