یاریگا –
بەشێوەیەکی فەرمی، بەهۆی پێکان ساڵی 2023 بۆ ئێدواردۆ کاماڤینگا کۆتایی هات.
کەمێک لەمەوبەر ریال مەدرید بەیاننامەیەکی فەرمی بڵاوکردەوە، ئاشکرایکرد ئەمڕۆ هەینی پشکنینی پزیشکی ورد بۆ کاماڤینگا کراوە، دەرکەوتووە تووشی دڕانی بەستەری دەرەوەی ئەژنۆی راستی بووە.
Parte médico de Camavinga.#RealMadrid
— Real Madrid C.F. (@realmadrid) November 17, 2023
یانە ئیسپانییەکە لە بەیاننامەکەیدا باسی لە ماوەی دووکەوتنەوەی یاریزانە لاوە فەڕەنسییەکەی نەکردووە.
بەڵام رۆژنامەنووسی باوەڕپێکراو، فابریزیۆ رۆمانۆ بڵاویکردووەتەوە، بەهۆی ئەو پێکانە کاماڤینگا تا ساڵی داهاتوو ناگەڕێتەوە بۆ یاریکردن، لە مانگی یەکی 2024 دەتوانێت جارێکی دیکە یاری بکات.
🚨⚪️ Official: Real Madrid new tests now report that Eduardo Camavinga has ruptured his external lateral ligament in right knee.
He’s expected to be out until the end of 2023, back to action in January. pic.twitter.com/qdj0CqlUiz
— Fabrizio Romano (@FabrizioRomano) November 17, 2023
چوارشەممەی رابردوو، لە مەشقەکانی هەڵبژاردەی فەڕەنسا، کاماڤینگا بەهۆی بەریەککەوتنێکی توندی لەگەڵ عوسمان دیمبێلی، توشی پێکان بوو، هەر بەو هۆیە مەشقەکانی هەڵبژاردەکەی جێهێشت.
لە شوێنی ئەو کیڤن تورامی یاریزانی یانەی نیس بانگهێشتی هەڵبژادەکرا کرا، هەڵبژاردەی فەڕەنسا لە 18 و 21ـی ئەم مانگە، لە پاڵاوتنەکانی جامی نەتەوەکانی ئەوروپا رووبەڕووی هەڵبژاردەکانی گیبرالتار و یۆنان دەبێتەوە، بەڵام کاما لەهەردوو یارییەکە بێبەش دەبێت.
ئەو یارییانەی کاماڤینگا لەگەڵ ریال مەدرید لێیان بێبەش دەبێت
1 – بەرامبەر کادێز لە لالیگا
2- بەرامبەر ناپۆلی لە چامپیۆنزلیگ
3 – بەرامبەر گرانادا لە لالیگا
4 – بەرامبەر بێتیس لە لالیگا
5- بەرامبەر یونیەن بەرلین لە چامپیۆنزلیگ
6 – بەرامبەر ڤیاریال لە لالیگا
7 – بەرامبەر ئالاڤێس لە لالیگا
