دوای ڤینی، ریال مەدرید گرێبەستی دوو یاریزانی دیکەی نوێکردەوە
پارێزگاریکردن لە ئەستێرە لاوەکان
یاریگا –
دوای ڤینیسیۆس جونیۆر، ریال مەدرید گرێبەستی رۆدریگۆ و کاماڤینگاشی نوێکردەوە.
دوێنێ سێشەممە بەشێوەیەکی فەرمی ریال مەدرید ئاشکرایکرد، کە گرێبەستی ڤینیسیۆز جونیۆری بەڕازیلییان تا هاوینی ساڵی 2027 نوێکردووەتەوە، مەرجەی هەڵوەشاندنەوەی گرێبەستەکەشی 1 ملیار یۆرۆیە.
⚪️🔒 New release clause into Vinicius Jr contract until June 2027 — €1B.
Same release clause will be included in Fede Valverde, Camavinga, Rodrygo new contracts. pic.twitter.com/cP7sMGQyxT
— Fabrizio Romano (@FabrizioRomano) October 31, 2023
نوێکردنەوەی گرێبەستی ئەستێرە بەڕازیلییەکە تەنیا سەرەتایەکە، بەوپێیەی رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، رۆژی پێنجشەممەی داهاتوو رۆدریگۆ گۆسی بەڕازیلیش واژۆ لەسەر گرێبەستێکی نوێ دەکات.
رۆمانۆ ئاماژەی بەوەیشکردووە، گرێبەستە نوێیەکەی رۆدریگۆ لەگەڵ مێرێنگی تا هاینی 2028 دەبێت، هاوشێوەی ڤینی، مەرجەی هەڵوەشاندنەوەی گرێبەستەکەی 1 ملیار یۆرۆیە.
🚨⚪️ EXCLUSIVE: Rodrygo, set to sign new long term deal at Real Madrid on Thursday, agreement confirmed.
Understand it will be valid until June 2028 as key, top player for present & future plans at Real Madrid.
🇧🇷 New release clause: €1B. pic.twitter.com/RPTiwyuypQ
— Fabrizio Romano (@FabrizioRomano) October 31, 2023
هەر بەپێی زانیارییەکانی فابریزیۆ، جیا لەو دوو یاریزانە بەڕازیلییە، ریال مەدرید لەگەڵ ئێدواردۆ کاماڤینگای فەڕەنسیش گەیشتووەتە رێککەوتنی کۆتایی گرێبەستی ئەستێرە فەڕەنسییەکەی تا هاینی 2029 نوێکردووەتەوە.
رۆژنامەنووسە ئیتاڵییەکە ئاماژەی بەوەشکردووە، بەم زووانە ریال مەدرید نوێکردنەوەی گرێبەستی کاماڤینگا رادەگەیەنێت، مەرجی هەڵوەشاندنەوەی گرێبەستی کاماش هەر یەک ملیار یۆرۆیە.
ریال مەدرید بۆ پارێزگاریکردن لە ئەستێرە لاوەکانی هەڵمەتی نوێکردنەوەی گرێبەستەکانیانی دەستپێکردووە، جیا لەو یاریزانانەش مێرێنگی نزیکە لە ئاشکراکردنی نوێکردنەوە گرێبەستی فێدریکۆ ڤالڤێردی ئورۆگواییش.
⚪️🔒 Eduardo Camavinga’s new deal at Real Madrid will expire in June 2029 as the announcement will follow soon.
Thursday, Rodrygo-2028 day. 🇧🇷 pic.twitter.com/VPDP8dblyg
— Fabrizio Romano (@FabrizioRomano) October 31, 2023
