ئامارەكانی پێش یارییەكەی نێوان براگا و ریال مەدرید
یاریگا –
ئەمڕۆ یانەی ریال مەدریدی ئیسپانی سێیەم یاری خۆی لە قۆناخی كۆمەڵەكانی خولی یانە پاڵەوانەكانی ئەوروپا دەكات.
وا بڕیارە ئەمڕۆ سێشەممە كاتژمێر 22:00 بە كاتی كوردستان سپۆرتینگ براگا لە یاریگای خۆیدا میوانداری ریال مەدرید بكات، لە میانی یارییەكانی گەڕی سێیەمی قۆناخی كۆمەڵەكانی خولی یانە پاڵەوانەكانی ئەوروپا.
🔛🏟️🌱#UCL pic.twitter.com/JTNYRXhKQv
— Real Madrid C.F. (@realmadrid) October 23, 2023
مەدرید لە كۆمەڵەی سێیەمی خولەكە دێت هاوشانی هەریەك لە ناپۆلی، سپۆرتینگ براگا و یونیەن بەرلین.
مێژووی رووبەرووبوونەوەی نێوان براگا و ریال مەدرید:
پێشتر هەردوو یانەی براگا و ریال مەدرید هیچ یارییەكی فەرمیان بەیەكەوە نەكردووە.
Tomorrow ✨#PorMais | #UCL pic.twitter.com/4xA0YGLSpy
— SC Braga (@SCBragaOficial) October 23, 2023
چەند خاڵێك كە پێوویستتە بیزانیت پێش یارییەكەی نێوان براگا و مەدرید:
– لە ئەگەری كردنی گۆڵێكدا لە یارییەكەی بەرامبەر براگا، جود بێڵینگهام دەبێتە یەكەم یاریزان لە ریال مەدرید لە یەكەم وەرزیدا بتوانێت لە سێ یاری سەرەتایی خۆی لە چامپیۆنزلیگ گۆڵ بكات.
– لە ئەگەری بەشداریكردنی تۆنی كروس یاریزانەكە یاری ژمارە 142 لە چامپیۆنزلیگ دەكات و ژمارەی رائول گۆنزالێز یەكسان دەكاتەوە لە ریزبەندی حەوتەمی ئەو یاریزانانەی زۆرترین یارییان لە مێژووی چامپیۆنزلیگدا كردووە.
– لە ئەگەری كردنی گۆڵێك لەلایەن لوكا مۆدریچ ئەوا دەبێتە دووەم گەورەترین یاریزان لە مێژووی چامپیۆنزلیگدا بتوانێت گۆڵ بكات بە ( 38 ساڵ و مانگێك و 15 رۆژ )، بە 14 رۆژ بچووكتر لە فرانچیسكۆ تۆتی ( 38 ساڵ و مانگێك و 29 رۆژ )،.
– ریال مەدرید لە كۆتا 10 یاری یەك لە دوای یەك توانیویەتی گۆڵ بكات كە ئەوەش باشترین زنجیرەی گۆڵكردنە.
مێژووی رووبەرووبوونەوەی ریال مەدرید بەرامبەر یانە پۆرتوگالیەكان:
| یانە | یاری | بردنەوە | یەكسان | دۆڕان | گۆڵكردن | گۆڵ لێكران |
| پۆرتۆ | 12 | 9 | 1 | 2 | 23 | 10 |
| سپۆرتینگ لشبۆنە | 6 | 4 | 1 | 1 | 12 | 6 |
| بێنفیكا | 3 | 1 | 0 | 2 | 6 | 11 |
| كۆی گشتی | 21 | 14 | 2 | 5 | 41 | 27 |
مێژووی رووبەرووبوونەوەی براگا بەرامبەر یانە ئیسپانیەكان:
براگا تەنیا سێ یاری بەرامبەر یانە ئیسپانیەكان كردووە ئەویش بەرامبەر سێڤییا بووە سەرجەمیان لە دوو یاری براوە بوون ویارییەكیش دۆڕاون.
ریزبەندی كۆمەڵەی سێیەم:
