راهێنەری لیدز یونایتد سەرنجی هەمووان رادەکێشێت
یاریگا –
تەنیا یاریزانانی لیدز یونایتد، هاندەرانیان دڵخۆش نەکرد، لە دوای بردنەوەیان بەرامبەر واتفۆرد، بەڵکو دانیێل فارکێ، راهێنەری تیمەکە، بە جووڵەیەک هەمووانی شۆک کرد.
لیدز بە ئەنجامی 3-0 لە واتفۆردی بردەوە. گۆڵەکان لە رێگەی یاریزانان جۆیڵ پیرۆی، سام بیرام و جەیدن ئانتۆنییەوە کران و سێ خاڵی گرنگیان بەدەستهێنا.
راهێنەرە ئەڵمانییەکە بە جووڵەیەکی جوان لە شوێنی دیاریکراوی راهێنەراندا، دڵی هاندەرانی خۆش کرد.
لە ساتێکی یارییەکەدا، تۆپێک بەرەو رووی فارکێییەوە هات و لە جیاتی ئەوەی بەدەست بیگرێتەوە، بەڵکو کۆنتڕۆڵێکی زۆر جوانی تۆپەکەی کرد و هاندەرانی خستە جۆشەوە.
🥶 Light work pic.twitter.com/kMh013B5BX
— Leeds United (@LUFC) September 23, 2023
پێشتر فارکێ وەک هێرشبەر یاری دەکرد و ئەم جۆرە کۆنتڕۆڵانە بەلای ئەو ئاسایی بوون.
شەممەی داهاتوو، پیاوانی فارکێ لە سەینت ماری دەبنە میوانی ساوسامتن.
