فیفا ئێران ناچار دەکات ڕێگە بە هاندەری ئافرەت بدەن بۆ نێو یاریگاکان
یاریگا- جیانی ئینفانتینۆ، سەرۆکی یەکێتی تۆپی پێی جیهان ناسراو بە فیفا، ڕاگەیاندراوێکی دەرکرد لە بارەی بۆ ڕەتکردنەوەی ئەو ڕێگرییەی لە ئامادەبوونی ئافرەت دەکرێت لە نێو یاریگاکانی ئێران.
لە ڕاگەیاندراوەکەدا هاتووە: “لە یەکێتی تۆپی پێی ئێران و بەرپرسانی ئەو وڵاتە هیوا دەخوازم کە وەڵامی داواکارییە بەردەوامەکانمان بدەنەوە پەیوەست بە لابردنی ئەو پرسە نەخوازراوە. لە ماوەی ڕابردوودا چ خۆم یاخود کارگێڕیی فیفا قسەمان لەگەڵ کردوون و لە ئێستاشدا شاندێکمان ناردووە بۆ ئێران و هیواخوازی بیستنی وەڵامی دڵخۆشکەرین. ئێمە لە هەنگاوەکانی کۆتایی هێنان بەم پرسە تێگەشتمان هەیە، باری ئاشتی و ئاسایشیش لەبەرچاو دەگرین. دەبێت پێشڤەچوونی ئەرێنی هەبێت لەم دۆسییە و پێش یارییەکەی ئێران لە مانگی ئۆکتۆبەری داهاتوو.”
10ی مانگی داهاتوو هەڵبژاردەی ئێران لەنێو خاکی خۆی پێشوازی لە کەمبۆدیا دەکات لە میانی یارییەکانی پاڵاوتن بۆ جامی جیهانی.
