یاریگا –
ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی لە كۆتا یاری یانەكەیدا تووشی پێكانێكی سەخت هات.
رۆژی هەینی رابردوو سێلتا ڤیگۆ لە یاریگای خۆیدا میوانداری ریال مەدریدی كرد و یارییەكەش بە ئەنجامی گۆڵێكی بێ وەڵام لە بەرژەوەندی یانەی میوان كۆتایی هات.
تاكە گۆڵەكەی مەدرید لە لایەن جود بێڵینگهام لە خولەكی 81ی یاریەكەدا تۆمار كرا.
لە خولەكی 18 بەهۆی پێكانەوە ڤینیسیۆس جونیۆر یاریگای جێهێشت و خۆسێلۆ جێگای گرتەوە.
بەپێی زانیاریەكانی رۆژنامەی ئاس پێكانەكەی ڤینیسیۆس بەرامبەر سێلتا ڤیگۆ قورسە و ماوەیەكی زۆر لە یاریگاكان دووردەكەوێتەوە.
سەرچاوەكە ئەوەشی ئاشكرا كردووە، ئەستێرە بەڕازیلیەكە تووشی پێكانی ماسولکەی لە پێی راستیدا بووە و چاوەڕوان دەكرێت 4 بۆ 6 هەفتە لە یاریگاكان دووربكەوێتەوە.
چاوەڕوان دەكرێت لە چەند كاتژمێری داهاتوودا ریال مەدرید بەیاننامەیەكی فەرمی سەبارەت بە یاریزانەكە رابگەیەنێت.
ئەو یارییانەی ڤینیسیۆس جونیۆر ناتوانێت بەشداری بكات:
| یاری | پاڵەوانیەتی | بەروار | پێگەی بەشداریكردنی |
| ریال مەدرید vs خێتافی | لالیگا | 2-9 | ناتوانێت بەشداری بكات |
| بەڕازیل vs بۆلیڤیا | پاڵاوتنی جامی جیهانی | 9-9 | ناتوانێت بەشداری بكات |
| پیرۆ vs بەڕازیل | پاڵاوتنی جامی جیهانی | 13-9 | ناتوانێت بەشداری بكات |
| ریال مەدرید vs ریال سۆسێداد | لالیگا | 16-9 | ناتوانێت بەشداری بكات |
| یەكەم یاری ریال مەدرید لە چامپیۆنزلیگ | چامپیۆنزلیگ | 19/20-9 | ناتوانێت بەشداری بكات |
| ئاتلێتیكۆ مەدرید vs ریال مەدرید | لالیگا | 24-9 | گومان لە بەشداریكردنی دەكرێت |
| ریال مەدرید vs لاس پاڵماس | لالیگا | 27-9 | گومان لە بەشداریكردنی دەكرێت |
