وادەی پەیوەندیکردنی کانسێلۆ بە بارسێلۆنا ئاشکراکرا
یاریگا –
وادەی پەیوەندیکردنی جۆواو کانسێلۆی پۆرتوگالی بە یانەی بارسێلۆنا ئاشکراکرا.
رۆژنامەنووس فلۆریان پلاتنبێرگ بڵاویکردووەتەوە، جۆواو کانسێلۆی پۆرتوگالی و بەرگریکاری یانەی مانچێستەر سیتی ئینگلیزی ئاگادارکراوەتەوە کە بەشێوەی خواستن دەگوازرێتەوە بۆ یانەی بارسێلۆنای ئیسپانی.
پلاتنبێرگ ئاماژەی بەوەش کردووە، ئەگەری هەیە هەر لە کۆتایی ئەم هەفتەیە گرێبەستەکە ئەنجامبدرێت و بەرگریکارە تەمەن 29 ساڵانییەکە پەیوەندی بە یانە کەتەلۆنییەکە بکات. هەردوو یانە لە کۆتا قۆناخەکانی رێککەوتنەکەدان.
ℹ️ João #Cancelo: Been told that his loan move to @FCBarcelona could be finalized at the end of this week! As all parties involved have almost agreed the deal. Last details to be clarified between the clubs now.
➡️ It’s a one-year-loan with an option to buy
➡️ Medical not yet… pic.twitter.com/tQ4tCb1LZ0— Florian Plettenberg (@Plettigoal) August 23, 2023
بەپێی رێککەوتنی نێوان هەردوو یانە، کانسێلۆ بەشێوەی خواستن پەیوەندی بە بارسا دەکات، هەروەها بژاردەی کڕینەوەش لە گرێبەستەکەدا دەبێت.
رۆژنامەنووسە ئەڵمانییەکە ئامەژەی بەوەیش کردووە، هێشتا بەرواری ئەنجامدانی پشکنینی پزیشکی دیاری نەکراوە، بەڵام بە ئەگەرێکی زۆر هەر لەم هەفتەیە هەموو شتێک کۆتایی دێت.
کانسێلۆ لە هاوینی 2019 بە بڕی 65 ملیۆن یۆرۆ لە یوڤێنتوسەوە گواسترایەوە بۆ مانچێستەر سیتی، بە درێسی یانە ئینگلیزییەکە بەشداری 155 یاری کردووە، خاوەنی 9 گۆڵ و 22 ئەسیستە.
