یاریگا –
خۆرخی مێسی، باوك و بریكاری كارەكانی لیۆنێل مێسی ئەفسانەی تۆپی پێی هەڵبژاردەی ئەرجەنتین ئاشكرایكرد كوڕەكەی دەیەوێت بگەڕێتەوە بارسێلۆنا.
لە دوای كۆتاییهاتنی گرێبەستەكەی لەگەڵ پاریس سان جێرمان لیۆنێل مێسی ریزەكانی یانە فەڕەنسیەكەی جێهێشت.
بەپێی زانیاریەكانی رۆژنامەنووسی ئیتاڵی فابریزیۆ رۆمانۆ شارەزا لە بازاڕی گواستنەوەی یاریزانان، باوكی لیۆنێل مێسی دڵنیایە كە كوڕەكەی لە گواستنەوەكانی هاوینەدا دەگەڕێتەوە بارسێلۆنا.
🚨 Jorge Messi after meeting Barcelona president Laporta: “Leo wants to return to Barcelona and I’d love to see him back to Barça”.
“Barça move is an option for sure”, Jorge Messi added — via @tjuanmarti. pic.twitter.com/UwIrMX4GSz
— Fabrizio Romano (@FabrizioRomano) June 5, 2023
كەمێك پێش ئێستا خۆرخی مێسی و خوان لاپۆرتا كۆبوونەوە و لە دوای كۆبوونەوەكە باوكی لیۆنێل مێسی ووتی:
لیۆنێل مێسی دەیەوێت بگەڕێتەوە بارسێلۆنا و زۆر حەز دەکەم لە بارسا بیبینمەوە، بە دڵنیاییەوە گەڕانەوەی مێسی بۆ بارسا بژاردەیەکی کراوەیە
مێسی دوو وەرزی لەگەڵ پاریس سان جێرمان بەسەربرد و لەو ماوەیەدا بەشداری لە 75 یاریدا كرد و توانی 32 گۆڵ بكات و 35 گۆڵیش درووست بكات و سێ نازناو بباتەوە.
ئەفسانەكەی پێشووی یانە كەتەلۆنییەكە لەگەڵ ئەو یانەیە بەشداری لە 778 یاری كردووە لە سەرجەم پاڵەوانیەتیەكاندا و توانیویەتی 672 گۆڵ بكات و 303 گۆڵیش درووست بكات.
